1 KIUTHSÜYUKHEAN 11:5 - AMÜSÜH HÜM CL Bible (BSI)

⁵ Jebus ching larübonü David ki tha, “Nü ha ching mazah.” Tütüshe Davidnü chipi ayünkhi Zion yankhia lu, ju David kiuto.

1 KIUTHSÜYUKHEAN 11:5 Iomraidhean Croise

2 SAMUEL 5:9

Davidnü chipi ayünkhi müküh, tüsho David kiuto de ji. Millo kinü rünbah alala mükamde Davidnü kiuto thrün.

2 SAMUEL 6:10

Jumonü David kiuto ching apinü Atungpuh sangdan kümpü mümulong; ju müthri Davidnü Gathrü Obed-edom yam ching lubah yü.

2 SAMUEL 6:12

Kiulongthsüpuh David ki tha, “Thrünpuh sangdan dünkheaknü Atungpuhnü Obed-edom tüsho api lakhi alala müngühjihdo.” Jumonü Davidnü yübah Thrünpuh sangdan ju Obed-edom yam chingnü lubah David kiuto lim asühachihde arü;

1 KIULONG THSÜRÜ 8:1

Judüki Solomonnü Israel azothsürübo tüsho trükbo ching akubo alala, Israelrü jipürü yamkhünbo, Zion de ajikhi David kiuto chingnü Atungpuh tangzüng sangdan lubah atupü kiulongthsüpuh Solomon miki Jirusalem ching mukhung.

1 KIUTHSÜYUKHEAN 11:4

David tüsho Israel alala Jirusalem lim yü, ju lomi ching larü Jebusrü lapung Jebus lakheah.

1 KIUTHSÜYUKHEAN 11:6

Davidnü tha, “Shepünü akhuhde Jebusrü yanbanü akubeatobuh tüsho wühkenobuh thsübah.” Tüsho Zeruia tsührü Joabnü akhuhde wutu, jumonü api akubeatobuh kam.

1 KIUTHSÜYUKHEAN 11:7

Davidnü chipi ayünkhi ching la; jumonü ju David kiuto de ajikheah.

2 KIUTHSÜYUKHEAN 5:2

Judüki Solomonnü Zion de ajikhi David kiuto chingnü Atungpuh tangzüng sangdan lude atupü, Israel azothsürübo tüsho trükbo ching akubo, Israelrü jipürü yamkhünbo ching limberübo Jirusalem ching bemukhung.

MUNGSHIKHÜN 122:5

Tümüde David yamkhün kiulongthsü-binkiu mahkhappü thsungkheak ju ching zolah.

MUNGSHIKHÜN 132:13

Tümüde Atungpuhnü Zion mokhitdo; apinü anihbuh lapü ha mulongdo:

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 48:2

Thrünpuh wung Zion ju achang tüsho akheahakhamlah; ato kiulongthsüpuh kiutonü alomi alala ching asühpü hande arüchoh.

MUNGSHIKHÜN 78:68

tüshe apinü Juda trük, apinü muzhokhi Zion Müzüng mokhit.

MUNGSHIKHÜN 87:2

Atungpuhnü Jakob lapungbo alala kheaknü Zion chipiripitbo muzhobah.

MUNGSHIKHÜN 87:5

Tüsho Zion dünkheak ha thabah, “Ha tüsho ju anihbe ching zübekheah; tüsho Khide Achangbuhnü anihbe düküngshihbah.”

MUNGSHIKHÜN 9:11

Zion ching lakhi Atungpuh mung shikhi khün thsang! Mihtsürü bolung api rhimobo thaang!

ROMRÜ KILIM PAULNÜ ATHRÜTKHI KIHÜM HUHTANYU 9:33

ha thrüta lakhi nangde, “Kheahang, mihtsürübo jingmükhepü thsüde inü Zion ching lung khülang, arü keamshihbe lungto khülang zochoh; tüsho shepünü api kheak kinbanü achih müngüshih.”

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

AMIKHEAKAKHIUKKHI 14:1

Judüki inü kheah, tüsho Zion Müzüng kheak Namfimihnunu zhipde alakheah; api lung anihbuh mung tüsho Abuh mung arü kingkang kheak thrütkhi mihtsürübo 144,000 lakheah.

MAHKHAPRÜ 19:10

Tüshe mihtsürü junü ju re binpü mümulong; jumonü apinü asürübah chamachih, tüsho Jebus thrip (ju Jirusalem) arü. Api lung hah hankhi donki mahne lakheah; anihbuh hanniube she api lung lakheah.

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”