1 KIUTHSÜYUKHEAN 11:3 - AMÜSÜH HÜM CL Bible (BSI)

³ Jumonü Israel azothsürübo alala Hebron ching kiulongthsüpuh ki arü, tüsho Davidnü Hebron ching Atungpuh miki arü kheak tangzüng khülang thsü. Tüsho Atungpuh yu yande arünü Israel kurungkheak kiulongthsürü thsüpü Samuel hode David mujude-mokhit.

1 KIUTHSÜYUKHEAN 11:3 Iomraidhean Croise

2 SAMUEL 2:4

Judüki Juda mihtsürübo arü tüsho arünü Juda kurungkheak kiulongthsürü thsüshihpü David mujude-mokhit. Tüsho arünü David ki tha, “Jabesh-gilead mihtsürünü Saul kiuyuka bahkheah.”

2 SAMUEL 5:3

Jumonü Israel azothsürü alala Hebron ching kiulongthsüpuh ki arü; tüsho kiulongthsüpuh Davidnü Hebron ching Atungpuh miki arü kheak tangzüng khülang thsü, tüsho arünü Israel kurungkheak kiulongthsüshihpü David mujude-mokhit.

2 SAMUEL 5:5

Hebron ching apinü Juda kurungkheak kam thüne tüsho khinu thuruk yakzan shuh; tüsho apinü Jirusalem ching Israel alala tüsho Juda kurungkheak kam samrükheak mahsam yakzan shuh.

2 KIULONG THSÜRÜ 11:17

Jehoiadanü Atungpuh tüsho kiulongthsüpuh le mihtsürü dükeak tangzüng thsü, junangde arübo Atungpuh mihtsürü thsübah; kiulongthsüpuh tüsho mihtsürübo dükeak she thsü.

2 KIULONG THSÜRÜ 23:30

Api yamlarübonü khora-lolungbe ching shea hanbah Megiddo chingnü Jirusalem ching arü, tüsho mibahpung ching kiuyukabah. Lomi mihtsürübonü Josia tsührü Jehoahaz lubah mujude-mokhit, tüsho abuh müthri api kiulongthsürü kamshih.

1 KIUTHSÜYUKHEAN 11:10

Kheakü harü ha David bonungrü akubeatorübo, arünü Israel dünkheak Atungpuh yu yande, Israel alala thsürude api kiulongthsürü kamshih tüsho api kiulongthsü müküpde kamshih.

2 KIUTHSÜYUKHEAN 23:3

Judüki amukhungrü alalanü Atungpuh yam ching kiulongthsüpuh ki tangzüng khülang thsü. Jehoiadanü arü ki tha, “ Kiulongthsüpuh tsührü ha kheak lah! David tsührübo dünkheak Atungpuhnü alokhikhi nangde apinü kiulongthsüshang.

MAHKHAPRÜ 11:11

Judüki Jephthanü Gilead limberübo lung yü, tüsho mihtsürübonü api arü kurungkheak aku tüsho limthorü thsüshih; tüsho Jephthanü api yu alala Mizpa ching Atungpuh miki asuk.

1 SAMUEL 11:15

Jumonü mihtsürü alala Gilgal ching yü tüsho Gilgal ching arünü Atungpuh miki Saul ju kiulongthsüpuh kamshih. Ju ching arünü Atungpuh kilim mungtsü kingaünkhi laksah-a kingaün, tüsho ju ching Saul le Israelrü alala tode asühachih.

1 SAMUEL 15:28

Tüsho Samuelnü api ki tha, “ Ha nimungnü Atungpuhnü Israel kiulongthsü nü kheaknü rukrüpdo, tüsho ju nü kheaknü atsübe, nü yamhingrü kilim jihabahdo.

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 16:3

Laksah-a kingaünkhi ching Jesse jiyukang, tüsho nünü tümü rhimobeanü inü ahuhbah; tüsho inü nü ki mung jihkhi I thsungkheaknü mujudemokhitang.”

1 SAMUEL 23:18

Judüki anenü Atungpuh miki tangzüng; David a Horesh ching la, tüsho Jonathan thüyam lim wulung.

1 SAMUEL 28:17

Atungpuhnü I ki thakhi yande apinü nü ki rhimodo; tümüde Atungpuhnü kiulongthsü nü khah chingnü rukthünaka bahdo, tüsho nü yamhingrü David kilim jihdo.