1 KIUTHSÜYUKHEAN 11:20 - AMÜSÜH HÜM CL Bible (BSI)

²⁰ Kheakü Joab niurü Abishai samrü bolung akubeatobuh lakheah. Api thsühnü 300 bede keochih tüsho arübo laksah, tüsho mahsam lung mungthu ngü.

1 KIUTHSÜYUKHEAN 11:20 Iomraidhean Croise

2 SAMUEL 18:2

Tüsho Davidnü bonungrü khunung mahsam thsüde cham: khunung khülang Joab yukhüm bukkhüp, khunung khülang Joab akhiung Zeruia tsührü Abishai yukhüm bukkhüp, tüsho khunung khülang Gitrü Ittai yukhüm bukkhüp. Kiulongthsüpuhnü mihtsürübo ki tha, “I she nüsa lung yübah.”

2 SAMUEL 2:18

Zeruia tsührü mahsam ju, Joab, Abishai, tüsho Asahel. Kheakü Asahel ju shihmüchi nangde athride alakheah.

2 SAMUEL 20:6

Davidnü Abishai ki tha, “Kheakü Bikri tsührü Shebanü Absalom kheaknü alü isa ki rhimobah; nü tungpuh yamlarübo bea lubah api müshamang, ju yungsho apinü chipi ayünkhi kiutobo yimkhitbah ajikbah, tüsho isa kheaknü atsokhibah.”

2 SAMUEL 21:17

Tüshe Zeruia tsührü Abishainü api rungpü arü, tüsho Filistiarü yande apinü laksah. Judüki David mihtsürübonü api ki thiyuchihchim, “Kheaküa nü isa lung thirithsüpü müyü, junangde Israel tsünpung nünü mümütshih.”

2 SAMUEL 3:30

Jumonü Joab tüsho akhiung Abishai anenü Abner laksah tümütüsho apinü thirithsüpung Gibeon ching akhiung Asahel laksah.

1 KIUTHSÜYUKHEAN 11:19

tüsho tha, “I Thrünpuh inü ha rhimopü danjang. Inü harü mihtsürü thiyih yungkhukba de? Tümüde arü rhangdung jihde ha hande arüdo.” Jumonü apinü muyung. Athrungrü mahsamnü harü rhimo.

1 KIUTHSÜYUKHEAN 11:21

Api samrü bolung khide mungthu lakheah, tüsho arü wühkenorü kam; tüshe apinü mahsam ju mukhiung.

1 KIUTHSÜYUKHEAN 2:16

tüsho arü chiniurübo ju Zeruia, tüsho Abigail. Zeruia tsührübo: Abishai, Joab, tüsho Asahel, arü 3.

1 SAMUEL 26:6

Judüki Davidnü Hitrü Ahimelek tüsho Zeru tsührü Joab akhiung Abishai ki tha, “Binkheampung ching Saul kilim shepü I lung akiba?” Abishainü tha, “I nü lung yükibah.”