1 KIUTHSÜYUKHEAN 10:4 - AMÜSÜH HÜM CL Bible (BSI)

⁴ Judüki Saulnü thsühnuk hanbuh ki tha, “Nü nukshang thokhitang, tüsho junü I düchipang, junangde harü tsütamübahrünü arübah I kheak mükhemükim müthsüshih.” Tüshe api thsühnuk hanbuhnü mümulong, tümüde api treabah. Jumonü Saulnü nihbuh nukshang lu tüsho ju kheak keam.

1 KIUTHSÜYUKHEAN 10:4 Iomraidhean Croise

2 SAMUEL 1:20

Gad ching dütha, Ashkelon kiudunglimrobo ching düzhi; jude yungsho Filistiarü tsührübonü asühachihbah, tsütamübahkhi tsührübonü asühachihbah.

2 SAMUEL 1:6

Athrününgtsüngbuhnü api ki thiyusheak jihde tha, “I Gilboa wung kheak lakheah; tüsho küyimki lolungbe le khoraberü api thüninkheanü Saulnü athsüh kheak keamkih.

2 SAMUEL 17:23

Küyimki Ahithophelnü athsunganah mürhimokhi anihbuhnü angükhea, apinü nihbuh donki kheak hah mühahbah kiuto ching thüyam lim yüabah. Apinü nihbuh yam akhinashu thsüde zowu, tüsho azangrü sük; api sheabah tüsho abuh mibahpung ching kiuyukabah.

1 KIULONG THSÜRÜ 16:18

Küyimki kiuto yankhi Omrinü angükhea, apinü kiulongthsüpuh yam ching alungbe chipi ching yüzah; apinü kiulongthsüpuh ju anihbuh bede monü takabah, tüsho sheabah–

1 KIUTHSÜYUKHEAN 10:3

Thirithsü ju Saul kheak khide müküpde thsungkih; tüsho sanglüh shuhrünü api kip tüsho yurijih.

1 KIUTHSÜYUKHEAN 10:5

Küyimki api thsühnuk hanbuhnü Saul shekhi ngükhea, api she sheabah.

YUNIRÜBO RHIMO 1:18

(Judanü amütsü thsüde amulokhi shonü thulu khülang thulo, ju ching api she; abuk jukphukbah bukning alala akhiuk.

YUNIRÜBO RHIMO 16:27

Küyimki aheangbuhnü asürübah khimdopübo khimshuhkhi ngükhea, aramrü alala tsoa lah de lümbah api nukshang lubah aküdah thsüde alaksahpü thsü.

MAHKHAPRÜ 15:18

Judüki api khide kethüride kam; jumonü apinü Atungpuh ki zhi tüsho tha, “Nü yamlarü khah hode nünü ha abekhitkhi ato jihdo; tüsho kheakü kethürinü I asheba de tüsho tsütamübahrü khah ching I keamba de?”

MAHKHAPRÜ 16:21

Judüki Filistiarünü api rambah amükjibo khünkhit tüsho Gaza ching bede yü. Arünü api müwayinchi liunü rhük, tüsho rihyam ching hi churü kamabah.

MAHKHAPRÜ 9:54

Judüki apinü nahde api thsühnuk hanrü athrününgtsüng mihtsürü ki tha, “Nü nukshang dukkhitang tüsho I laksahang, jude yungsho mihtsürübonü athabah, ‘ Azoberü khülangnü api laksah-a lah.’” Jumonü api yo athrününgtsüngbuhnü api chinkhitde düchip tüsho sheabah.

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”

1 SAMUEL 31:4

Judüki Saulnü api thsühnuk hanrü ki tha, “Nü nukshang dukkhitang tüsho I düchipang, junangde harü tsütamübahrünü arübah ninnin thsüde müdüchip.” Tüshe api thsühnuk hanbuhnü mümulongde alakheah; tümüde api treabah. Jumonü Saulnü anihbuh nukshang dukkhitbah ju kheak keam.