1 KIUTHSÜYUKHEAN 10:14 - AMÜSÜH HÜM CL Bible (BSI)

¹⁴ tüsho Atungpuh limbekhi müyim. Jumonü Atungpuhnü api sheshih tüsho kiulongthsü Jesse tsührü David kilim jihabah.

1 KIUTHSÜYUKHEAN 10:14 Iomraidhean Croise

2 SAMUEL 5:3

Jumonü Israel azothsürü alala Hebron ching kiulongthsüpuh ki arü; tüsho kiulongthsüpuh Davidnü Hebron ching Atungpuh miki arü kheak tangzüng khülang thsü, tüsho arünü Israel kurungkheak kiulongthsüshihpü David mujude-mokhit.

1 KIUTHSÜYUKHEAN 12:23

Harü ha Atungpuh yu yande Saul kiulongthsü David kilim müthrijihpü Hebron ching api kilim arükhi bonungrü chamnak khekhibo.

1 KIUTHSÜYUKHEAN 17:13

I api abuh thsübah, tüsho api I tsührü thsübah tüsho inü nü müngüh labuh kheaknü alukhi nangde I mihmüthsüm api kheaknü mulu,

1 KIUTHSÜYUKHEAN 2:12

Boaz tsührü Obed, Obed tsührü Jesse.

2 KIUTHSÜYUKHEAN 16:12

Api kiulongthsü kam samrükheak tukupü ching Asa jing kheak tukthsü akhiuk, tüsho api tukthsü khitode kam; tütüshe api tukthsü ching she apinü Atungpuh müyim, tüshe thümürübo kheaknü arung yim.

MÜCHITMUDU 17:13

Shepünü atsü dün amütsü jihlochonü, api yam chingnü amütsü müchamachih.

ISAIA 10:15

Awünü alangzü achebuh kumung yükihba de, yungsho sangrhütbenü arhütbuh azhihde kükheangba de? Shitso khülangnü mihtsürü khülang mushuhkih; mihtsürü khülangnü shitso shuhkihchoh!

ISAIA 10:7

Tüshe apinü alümkhi ha yung, yungsho api lümkhi ching ha müla; tüshe athsümünimpü tüsho anükhüh yungde trükshihbo dükheakshihpü ha api mulong ching lah.

JIHUSUA 9:14

Jumonü limberübonü tsühyungpü khürü arü kheaknü leangkhi, tüshe ju dünkheak Atungpuh ki mükeokhi.

1 SAMUEL 13:14

tüshe kheakü nü kiulongthsü tukloabahbah; Atungpuhnü amulongkhi mihtsürü khülang yimkhitdo; tüsho Atungpuhnü amihtsürü kurungkheak yakzan shuhshihpü api mokhitdo, tümütüsho nünü Atungpuhnü thiyukhüm jihkhi mani.”

1 SAMUEL 15:28

Tüsho Samuelnü api ki tha, “ Ha nimungnü Atungpuhnü Israel kiulongthsü nü kheaknü rukrüpdo, tüsho ju nü kheaknü atsübe, nü yamhingrü kilim jihabahdo.

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 28:17

Atungpuhnü I ki thakhi yande apinü nü ki rhimodo; tümüde Atungpuhnü kiulongthsü nü khah chingnü rukthünaka bahdo, tüsho nü yamhingrü David kilim jihdo.

1 SAMUEL 28:6

Küyimki Saulnü Atungpuh ki keokhea, Atungpuhnü api ki milim yungsho Urim yungsho wukihrübo hode malojih.