1 JOHAN 5:9 - AMÜSÜH HÜM CL Bible (BSI)

⁹ Isanü mihtsürü thiyumütsan leangkhichoh, tüshe Thrünpuh thiyumütsan atobe ah tümütüsho apinü atsührü dünkheak jihkhi Thrünpuh thiyumütsan ah.

1 JOHAN 5:9 Iomraidhean Croise

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

JOHAN 10:38

tüshe inü rhimosho, nüsanü I mükina lalashe, rhimobo kinang, junangde I Buh I kheak lah tüsho l api kheak lah de nüsanü amükheahbah tüsho akinbah.”

JOHAN 5:39

Nüsanü amüsühyubo yimchoh, tümüde jurü ching akheam müla rhangdung lah de nüsanü lümchoh; tüsho harünü I thiyumütsan thsüchoh.

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

YUNIRÜBO RHIMO 5:32

Tüsho harü thsungkheak api thiyumütsanbo isa lah, tüsho api ki mihyuanirü kilim Thrünpuhnü ajihkhi Amüsüh Me she lah.”

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

1 JOHAN 5:10

Shepünü Thrünpuh tsührü kinchonü amulong ching ha thiyumütsan lah. Shepünü Thrünpuh mükinnü api akeangyu tharü kamshihdo, tümütüsho Thrünpuhnü atsührü dünkheak thiyumütsan thsükhi ching apinü mükin.

1 JOHAN 5:8

Thiyumütsan mahsam lah, Me, ke, tüsho thiyih; tüsho harü mahsam arihlah.