1 JOHAN 5:3 - AMÜSÜH HÜM CL Bible (BSI)

³ Tümüde isanü api yuzüng anikhi ju Thrünpuh muzhokhi ah tüsho api yuzüng ju hahmülang yung.

1 JOHAN 5:3 Iomraidhean Croise

2 KIULONG THSÜRÜ 18:6

Tümüde apinü Atungpuh ki thiyuronü la; apinü api yankhi chingnü müchamachih tüshe Atungpuhnü Mosa ki thiyukhüm jihkhibo ani.

MUNGSHIKHÜN 119:140

Nü yu khide tsangkhitlah; jumonü nü yamlarünü ju muzhochoh.

MUNGSHIKHÜN 119:45

Inü zuzu ching tsahbah, tümüde inü nü yukhümbo yimkhitdo.

ABEKHIT 20:6

tüshe I muzhorü tüsho I yukhümbo zorü chithürübo ki mihmüthsüm huhchoh.

MÜCHITMUDU 3:17

Anihbe limrobo ju abünazün tüsho anihbe tsahpungbo mungtsü lah.

DANIEL 9:4

Inü Atungpuh I Thrünpuh ki tamkhüntamnü tüsho neak alokhide tha, “ O, Atungpuh , ato tüsho atrebe Thrünpuh, shepünü nü muzhorü kheak tangzüng tüsho mihmüthsüm zocho tüsho nü yukhüm zocho,

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

MATHI 23:4

Tümüde arünü hah amülangbo rhükchoh tüsho mihtsürübo dubuh kheak yihkihjihchoh, tüshe jurü hanrungpü yingkhing khülang she mülüplüpne.

JOHAN 14:15

“Nüsanü I muzhosho, I yuzüngbo zoang.

JOHAN 15:10

Nüsanü I yuzüng zosho, inü I Buh yuzüng zobah api amuzho ching lakhi nangde nüsanü I muzho ching labah.

JOHAN 15:14

Inü nüsa ki thiyukhüm jihkhibo nüsanü rhimosho nüsa ju I müyamrübo ah.

ROMRÜ KILIM PAULNÜ ATHRÜTKHI KIHÜM HUHTANYU 7:12

Jumonü yakzan ju amüsüh tüsho thiyuzüng ju amüsüh, thiyuro ju atsü ah.

ROMRÜ KILIM PAULNÜ ATHRÜTKHI KIHÜM HUHTANYU 7:22

Tümüde I pang alung chingnü Thrünpuh yakzan kheak inü asühchoh,

YUZÜNGTHALO 5:10

tüshe I muzhorü tüsho I yukhüm anirü; chithürübo kilim amüthsüm huhchoh.

YUZÜNGTHALO 7:9

Jumonü Atungpuh nüsa Thrünpuh ju Thrünpuh, thiyuronü tangzüngkhi tüsho amüthsüm chithürü lünbo ching, sherünü api muzhocho tüsho thiyukhüm anirü kheak thiyuro Thrünpuh ah de mükheahang;

IBRI 8:10

Ju nimung dunglim inü Israel yamkhün kheak tangzüngpü ha lah, Atungpuhnü thachoh: Inü arü lümkhi ching yakzan yukjihbah, tüsho arü mulongbo kheak thrütbah, I arü Thrünpuh thsübah tüsho arü I mihtsürü thsübah.

1 JOHAN 2:3

Tüsho isanü api yuzüngbo zosho isanü api mükheahpü ha hode amütsanbah.

2 JOHAN 1:6

Tüsho isanü api yuzüng yankhi ha amuzho ah; nüsanü atankih chingnü sobah amuzho lakhi ha thiyuzüng ah.