1 JOHAN 5:16 - AMÜSÜH HÜM CL Bible (BSI)

¹⁶ Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung.

1 JOHAN 5:16 Iomraidhean Croise

THRÜNTAN 20:17

Abrahamnü Thrünpuh ki tamkhüntamnü, tüsho Thrünpuhnü Abimelek, aniube le azhorü liberübo thsüngu, junangde arübo tsührü lalokhuk,

THRÜNTAN 20:7

Kheakü jumonü mihtsürü niube jihloang; tümüde api wukihrü ah, tüsho apinü nü thsungkheak tamkhüntamnüjihbah tüsho nü alabah. Tüshe nünü anihbe müjihlosho, tsükjide nü le nü mihtsürü alala shebah de mükheahang.”

MUNGSHIKHÜN 106:23

Küyimki Thrünpuhnü api mihtsürü thsümünimpü thakhea, apinü mokhitkhi yamlarü Mosanü Thrünpuh reanglode zhip tüsho arü thsümünimpü api bukakhiukkhi tukloshih.

ABEKHIT 34:9

Apinü tha, “O Atungpuh , I nü miki mihmüthsüm ngüa lasho, isa anihnih mihtsürü thsüa lalashe Atungpuh isa lung yüang de inü tamkhüntamnüchoh; isanü alakmihkhi tüsho isa neak bahjang tüsho nü yamrüplurüp nangde isa luang.”

JEREMIA 11:14

Jumonü, ha mihtsürübo thsungkheak dümushu, yungsho arü thsung thsüde düzhi yungsho dütamkhüntamnü, tümüde arü küpkhuk kim ching arünü I jikhi inü mani.

JEREMIA 14:11

Atungpuhnü I ki tha: Harü mihtsürü arung thsungkheak dütamkhüntamnü.

JEREMIA 7:16

Nünü harü mihtsürü thsungkheak dütamkhüntamnüjih, arü thsung thsüde düzhi yungsho dütamkhüntamnü, tüsho I ki dümushu, tümüde inü nü ki mani.

EZEKIEL 22:30

Tüsho chipi thsülopü tüsho lomi thsung thsüde chipi keamkhi ching zhippü arü bolung inü khürü yim, junangde inü ju müthsümünim; tüshe inü sheshe müyimkhit.

WÜHKHE 12:13

Jumonü Mosanü Atungpuh ki zhide tha, “O Thrünpuh, alibe thsüngujang de inü nü ki mushuchoh.”

WÜHKHE 15:30

Tüshe mihtsürü shepünü mede neak yihbeakbanü, nihbuh lo ching züberü yungsho khiungkerü thsüthsü, shepü Atungpuh miki amülim handarübanü, api nihbuh mihtsürü bolungnü khekhita bahbah.

LUKNÜ ATHRÜTKHI THIYUSHEAK-ATSÜ HUHTANYU 12:10

Tüshe khürünü Mihtsürü Tsührü azhihde athakhi api neak bahjihbah; tüshe Amüsüh Me azhihde athakhi a neak mübahjih.

JOHAN 17:9

Inü arü thsungkheak tamkhüntamnüjihchoh. Inü alomi thsungkheak mütamkhüntamnü tüshe nünü I kilim jihrü thsungkheak, tümüde arübo nü yo ah.

2 TIMOTHI 4:14

Shoto-yingkingrü Alexandernü I ki tode yuride rhimodo; api rhimobo dünkheak Atungpuhnü ajihlobah.

1 JOHAN 5:17

Amülim rhimokhi alala neak ah, tüshe amüshepü thsüde neak lah.

1 SAMUEL 12:19

Mihtsürü alalanü Samuel ki tha, “Nü yamlarübo thsungkheaknü Atungpuh nü Thrünpuh ki tamkhüntamnüjang, junangde isa müshe; tümüde isa thsungkheaknü kiulongthsürü khülang kheangkhi hode isa neakbo kheak yukajakde alü yihbeaklodo.”

1 SAMUEL 2:25

Mihtsürü khürünü püpürü azhihde neak yihbeaksho, Thrünpuhnü api mahkhapbah tüshe khürünü Atungpuh azhihde neak yihbeaksho, shepünü neak kheangjihpü?” Tüshe arünü arü abuh düsheak mani; tümüde arü laksahpü ju Atungpuh lümkhi lakheah.