1 JOHAN 5:13 - AMÜSÜH HÜM CL Bible (BSI)

¹³ Sherünü Thrünpuh tsührü mung ching kinchonü inü ha nüsa kilim thrütchoh, junangde nüsa lün rhangdung lah de nüsanü amükheahbah.

1 JOHAN 5:13 Iomraidhean Croise

JOHAN 1:12

Tüshe api leangkhirü ahihkhüh kilim, api mung ching kinrü kilim she apinü Thrünpuh tsührü kampü alim jih:

JOHAN 2:23

Küyimki api phungho-thünio lachoki Jirusalem ching lakhea, apinü khinthiyinbe rhimokhi ngüchoki ahihkhühnü api mung ching kin.

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

JOHAN 21:24

Hanü thiyumütsan jihbuh tüsho harü thrütkhi ju jingyanrü ha buh ah; tüsho api thiyumütsan thiyuro de isanü mükheahlah.

JOHAN 3:18

Shepü api kheak kinchonü mübahyuk; tüshe shepünü mükinnü bahyukabahdo, tümütüsho apinü Thrünpuh tsührü lapkhiung mung ching mükin.

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

YUNIRÜBO RHIMO 3:16

Tüsho api mung ching akin hode nüsanü ngüde mükheahde alakhi ha mihtsürü düküngshih; tüsho Jisu hode apinü ha mihtsürü nüsa alala mikinü phü tsüde kamshih.

YUNIRÜBO RHIMO 4:12

Tüsho püpü tümü ching she akhümkhit müla, tümüde thüning bukkhüp mihtsürü bolung isa khümkhitpü püpü mung jih-a müla.”

2 KORINT 5:1

Kheakü isa lakhi alomi khimyam thsümünimsho, mihtsürü khahnü müthsükhi yinmi ching lün yam Thrünpuh kilimnü lah de isanü mükheahlah.

GALATIA 4:6

Tüsho nüsa ju api tsührübo thsükhinü, Thrünpuhnü api tsührü Me nüsa mulongbo ching thiyibah, “Abuh, Abuh!” de zhichoh.

1 PETER 5:12

Athülünkhi keoniorübo de inü khejihde alakhi Sila arung hode, ha atsütsü Thrünpuh amüthsüm ah de tuthsukde tüsho khipkhitde inü nüsa kilim akhihkhühnü thrütchoh.

1 JOHAN 1:4

Tüsho isa asühkhi khiukdahde alapü thsüde isanü ha thrütchoh.

1 JOHAN 2:1

I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah;

1 JOHAN 2:21

Nüsanü thiyuro mümükheahkhinü yung, tüshe nüsanü ju mükheahkhinü tüsho akeangyu ju thiyuro yo yung de amükheahmonü inü nüsa kilim thrütchoh.

1 JOHAN 2:25

Tüsho ha lün rhangdung apinü isa ki alokhikhi lah.

1 JOHAN 2:26

Sherünü nüsa mülapyukpü lanü ju dünkheak inü nüsa ki thrütchoh;

1 JOHAN 3:23

Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah.

1 JOHAN 4:9

Hanangde Thrünpuhnü isa bolung api amuzho huh: isanü api hode alapü thsüde Thrünpuhnü api tsührü lapkhiung lakhi alomi ching arüshih.

1 JOHAN 5:10

Shepünü Thrünpuh tsührü kinchonü amulong ching ha thiyumütsan lah. Shepünü Thrünpuh mükinnü api akeangyu tharü kamshihdo, tümütüsho Thrünpuhnü atsührü dünkheak thiyumütsan thsükhi ching apinü mükin.

1 JOHAN 5:11

Tüsho Thrünpuhnü isa kilim lün rhangdung jihkhi ha thiyumütsan ah, tüsho ha rhangdung api tsührü kheak lah.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.