1 JOHAN 5:10 - AMÜSÜH HÜM CL Bible (BSI)

¹⁰ Shepünü Thrünpuh tsührü kinchonü amulong ching ha thiyumütsan lah. Shepünü Thrünpuh mükinnü api akeangyu tharü kamshihdo, tümütüsho Thrünpuhnü atsührü dünkheak thiyumütsan thsükhi ching apinü mükin.

1 JOHAN 5:10 Iomraidhean Croise

JOB HU H T ANYU 24:25

Jude yungsho, I akeangyu tharü ah de tüsho inü athakhi ching tümü müla de shepünü mütsanjihba?

MUNGSHIKHÜN 25:14

Atungpuh aramyu ju api trerü kheak lah, tüsho apinü arü ki api tangzüng huhbah.

MÜCHITMUDU 3:32

tümüde münitphülap mihtsürü ju Atungpuh kilim athraneanbe lah, tüshe rama lakhi api lümthiyan ju alungkirü kheak lah.

ISAIA 53:1

Isa yusheak shepünü akinkhea? Tüsho shepü ki Atungpuh khah akhiukkhea?

JEREMIA 15:18

Tümüde I thsünükhi mükheam le, I mü müngu le, athsüngupü thsunglocho? Tsükjide, nü a I ki mülapyukkhi keyung nangde, buksapke ngahkhi nangde lah.

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

JOHAN 3:18

Shepü api kheak kinchonü mübahyuk; tüshe shepünü mükinnü bahyukabahdo, tümütüsho apinü Thrünpuh tsührü lapkhiung mung ching mükin.

JOHAN 3:33

Shepünü api yusheak leangkhichonü Thrünpuh ju thiyuro de junü adüngakhi thsüchoh.

JOHAN 5:38

Tüshe nüsa kheak api yu müla, tümütüsho apinü athiyibuh kheak nüsanü mükin.

YUNIRÜBO RHIMO 8:37

Philipnü tha, “Nü mulong athrünkhinü kinsho nü baptipü kuklah.”

ROMRÜ KILIM PAULNÜ ATHRÜTKHI KIHÜM HUHTANYU 8:16

Me junü isa Thrünpuh tsührü ah de isa me kheak thiyumütsan thsüchoh,

GALATIA 4:1

Inü yamrüplurüp lurü dünkheak thakhi ju, api azürü lachoki khiungdüa, api alala yo aputungrü thsüthsü she azhorü kheaknü büthsüde müla,

GALATIA 4:6

Tüsho nüsa ju api tsührübo thsükhinü, Thrünpuhnü api tsührü Me nüsa mulongbo ching thiyibah, “Abuh, Abuh!” de zhichoh.

KOLOSI 3:3

Tümüde nü shedo, tüsho nü ju Khrista lung rhangdung Thrünpuh kheak jika lah.

IBRI 3:12

Keoniorübo, kümkangang, jude yungsho nüsa bolung mükinkhi mulong khürünü nüsa arhang Thrünpuh kheaknü bekhide atsobah.

2 PETER 1:19

Tüsho isanü alü thsüde amütsankhi ju wukihrübo yu lah, tüsho yinkhibah yapsu chining nüsa mulongbo ching makhiukyi khiungde amiting ching ayin tahyukkhi nangde nüsanü ha mulong jihde anibah.

1 JOHAN 1:10

Isanü neak müyihbeak de isanü thasho, isanü api ju akeangyu tharü kamshihchoh, tüsho api yu isa kheak müla.

1 JOHAN 5:1

Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh.

AMIKHEAKAKHIUKKHI 12:17

Judüki dragonnü alibe kheak bukakhiuk, tüsho aningkhi anihbe tsührübo, Thrünpuh yuzüngbo tüsho Jisu thiyumütsan zorü bede thirithsüpü yüabah.

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 2:28

inü api kilim yapsu chiningthülü jihbah.