1 JOHAN 4:8 - AMÜSÜH HÜM CL Bible (BSI)

⁸ Shepünü mümuzhonü Thrünpuh mümükheah; tümüde Thrünpuh ju amuzho ah.

1 JOHAN 4:8 Iomraidhean Croise

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

2 KORINT 13:11

Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah.

EFISIA 2:4

Tüshe Thrünpuh, shepü mihmüthsüm ching alarü la, apinü isa lümrhihkhi amuzho atonü,

IBRI 12:29

tümüde isa Thrünpuh a aniuabahbe mo ah.

1 JOHAN 1:5

Thrünpuh ju ayin tüsho api kheak amiting tümü mülade api kilimnü isanü asokhi thiyusheak ha lah tüsho isanü nüsa ki zhiyukchoh.

1 JOHAN 2:4

Shepünü “Inü api mükheahlah” de thabah api yuzüngbo maninü akeangyu tharü ah, tüsho thiyuro api kheak müla;

1 JOHAN 2:9

Shepünü api ayin ching lah de thabah keoniorü thraneanchonü kheakü khiungde amiting ching lah.

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.

1 JOHAN 3:6

Api kheak larü sheshe neak müyihbeakchoh; neak yihbeakrü shenü she api müngü yungsho api mümükheah.

1 JOHAN 4:16

Jumonü Thrünpuhnü isa thsungkheak amuzho lah de isanü mükheahlah tüsho kinchoh. Thrünpuh ju amuzho ah, tüsho shepü amuzho ching lanü Thrünpuh kheak lachoh, tüsho Thrünpuh api kheak lachoh.

1 JOHAN 4:7

Amuzho müyamrübo, isanü khülangnü khülang muzhoachihanü; tümüde amuzho ju Thrünpuh kilimnü ah, tüsho shepünü muzhochonü Thrünpuh tsührü ah tüsho Thrünpuh mükheahlah.