1 JOHAN 4:21 - AMÜSÜH HÜM CL Bible (BSI)

²¹ Tüsho shepünü Thrünpuh muzhochonü api keoniorü she amuzhobah de apinü isa kilim jihkhi thiyuzüng lah.

1 JOHAN 4:21 Iomraidhean Croise

LEVI 19:18

Nünü nü mihtsürü azhihde rodüyim, yungsho mükthsühüthsü düla, tüshe nünü nü yamhingrü ki nihbuh nangde muzhoang: I Atungpuh ah.

MATHI 5:43

“Hade athakhi nüsanü sodo, ‘Nü yamhingrü muzhoang tüshe nü riri thraneanang.’

LUKNÜ ATHRÜTKHI THIYUSHEAK-ATSÜ HUHTANYU 10:37

Tüsho apinü tha, “Api ki muzho huhbuh ah.” Jisunü api ki tha, “Yüang tüsho ju ruk rhimoang.”

JOHAN 15:12

Inü nüsa muzhokhi nangde nüsa khülangnü khülang muzhoachihpü thsüde ha I yuzüng ah.

GALATIA 5:14

Tümüde yakzan alala thiyu khülang ching tharüplah, “Nünü nü yamhingrü ki nihbuh nangde muzhoang.”

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

1 TESALONIKA 4:9

Tüshe keoniorü muzhopü dünkheaknü khürünü nüsa ki thrütpü thsüde yihnüpü müla, tümüde khülangnü khülang muzhoachihpü Thrünpuhnü nüsa ki thsangyudo.

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.

1 JOHAN 2:7

Amuzho müyamrübo, inü nüsa kilim thiyuzüng aso tümü müthrüt, tüshe atankih chingnü nüsa lakhi awün yuzüng ah; awün yuzüng ju nüsanü asokhi lah.

1 JOHAN 3:11

Tümüde isanü khülangnü khülang muzhoachihbeah dükhi ha atankih chingnü nüsanü isa kheaknü asokhi thiyusheak lah,

1 JOHAN 3:14

Isanü keoniorü muzhokhinü ashe chingnü rhangdung lapü ching wukhiukdo de isanü mükheahlah. Shepünü mümuzhonü ashekhi ching lah.

1 JOHAN 3:18

Azürübo, isanü thiyu yungsho asukachihkhi ching amuzho mülanü tüshe rhimo tüsho thiyuro ching laanü.

1 JOHAN 3:23

Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah.

1 JOHAN 4:11

Amuzho müyamrübo, Thrünpuhnü junangde isa muzhokheasho, isanü she khülangnü khülang muzhoachihbeah.