1 JOHAN 4:16 - AMÜSÜH HÜM CL Bible (BSI)

¹⁶ Jumonü Thrünpuhnü isa thsungkheak amuzho lah de isanü mükheahlah tüsho kinchoh. Thrünpuh ju amuzho ah, tüsho shepü amuzho ching lanü Thrünpuh kheak lachoh, tüsho Thrünpuh api kheak lachoh.

1 JOHAN 4:16 Iomraidhean Croise

MUNGSHIKHÜN 31:19

Mihtsürü tsührübo miki nü trerü tüsho nü kheak kinrü thsungkheak nünü azojihkhi nü tsükhi küdükhüh ato a!

ISAIA 64:4

Ahokhi lünbo ching shenü muso, she nükhünnü musokhit, api aleangrü thsungkheak shepünü rhimocho, nü hobah she müknü tümü Thrünpuh müngü.

JOHAN 6:69

Kheaküshe nü ju Thrünpuh kilimnü arükhi Amüsüh Khülang de isanü kinlah tüsho mükheahlah.”

JOHAN 9:3

Jisunü alo, “Ha mihtsürü yungsho api berübuhrünü she neak müyihbeak, tüshe Thrünpuh rhimo api kheak akhiukpü lah.

1 KORINT 2:9

Tüshe ha thrüta lah, “Tümü she müknü müngükhea, yungsho nükhünnü muso, yungsho mihtsürü mulongnü mülümkhea, juju Thrünpuhnü api muzhorü khilim thsakhamkheah.”

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.

1 JOHAN 3:16

Isa rhangdung dünkheak api rhangdung jihkhi hode isanü amuzho mükheahlah; tüsho isanü keoniorü thsungkheak isa rhangdung jihbeah.

1 JOHAN 3:24

Api yuzüng zorü alala api kheak lah, tüsho arü api kheak lah. Tüsho apinü isa kilim jihkhi Me hode api isa kheak lachoh de hanü isanü mükheahchoh.

1 JOHAN 4:7

Amuzho müyamrübo, isanü khülangnü khülang muzhoachihanü; tümüde amuzho ju Thrünpuh kilimnü ah, tüsho shepünü muzhochonü Thrünpuh tsührü ah tüsho Thrünpuh mükheahlah.