1 JOHAN 4:15 - AMÜSÜH HÜM CL Bible (BSI)

¹⁵ Shepünü Jisu ju Thrünpuh tsührü ah de alokhichonü Thrünpuh api kheak lachoh, tüsho api Thrünpuh kheak lachoh.

1 JOHAN 4:15 Iomraidhean Croise

MATHI 10:32

“Jumonü shepünü mihtsürübo miki I alokhibanü, yinmi ching labuh I Buh miki inü api alokhibah.

LUKNÜ ATHRÜTKHI THIYUSHEAK-ATSÜ HUHTANYU 12:8

“Inü nüsa ki thachoh, shepünü mihtsürübo miki I leangkhibanü, Thrünpuh yunirübo miki Mihtsürü Tsührünü she api leangkhibah.

JOHAN 6:56

Shepünü I shih tsühcho tüsho I thiyih yungchonü I lung lachoh, tüsho l api lung lachoh.

YUNIRÜBO RHIMO 8:37

Philipnü tha, “Nü mulong athrünkhinü kinsho nü baptipü kuklah.”

ROMRÜ KILIM PAULNÜ ATHRÜTKHI KIHÜM HUHTANYU 10:9

tümütüsho Jisu ju Atungpuh de nü münküpnü alokhisho tüsho ashe chingnü Thrünpuhnü api bemusukheah de nü mulong ching kinsho nü akhümkhitbah.

FILIPI 2:11

tüsho Abuh Thrünpuh müretahpü Jisu Khrista ju Atungpuh de thiyutha alalanü alokhibah.

1 JOHAN 2:23

Shepünü atsührü bahyukchonü Abuh she bahyukchoh. Shepünü atsührü leangkhichonü Abuh she leangkhichoh.

1 JOHAN 2:24

Atankih chingnü nüsanü tümü sodünü nüsa kheak lashang. Nüsanü atankih chingnü asokhi nüsa kheak lasho, nüsanü atsührü tüsho Abuh kheak labah.

1 JOHAN 3:23

Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah.

1 JOHAN 3:24

Api yuzüng zorü alala api kheak lah, tüsho arü api kheak lah. Tüsho apinü isa kilim jihkhi Me hode api isa kheak lachoh de hanü isanü mükheahchoh.

1 JOHAN 4:12

Mihtsürü shenü she Thrünpuh müngüakheah; isanü khülangnü khülang muzhoachihsho, Thrünpuh isa lung lah tüsho api amuzho isa kheak banthsangde lah.

1 JOHAN 4:2

Ha hode nüsanü Thrünpuh Me mükheahbah: Jisu Khrista ju mihtsürü kambah arüdo de mütsanmükhikhi me aban Thrünpuh kilimnü lah,

1 JOHAN 5:1

Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh.

1 JOHAN 5:5

Shepünü alomi kukpü la? Jisu ju Thrünpuh tsührü de akinrünü lang ah.

2 JOHAN 1:7

Jisu Khrista mihtsürü kambah arükhi müleangkhipü lakhi mihtsürübo, mülapyukrü ahihdo alomi ching wukhiukdo; hadürü ju mülapyukrü tüsho Khrista azhihrü ah.