1 JOHAN 4:14 - AMÜSÜH HÜM CL Bible (BSI)

¹⁴ Tüsho Abuhnü alomi khümkhitrü thsüde api tsührü arüshihdo de isanü ngüdo tüsho thiyumütsan thsüchoh.

1 JOHAN 4:14 Iomraidhean Croise

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 10:36

inü I Thrünpuh tsührü de athamonü, Abuhnü tsangkhitde alomi ching arüshihbuh ki, ‘Nünü mükhemükimchoh,’ de nüsanü thacho de?

JOHAN 12:47

Tüsho khürünü I yubo sobah I mükinsho, inü api mahmükhapchoh; tümüde I alomi mahkhappü yung tüshe alomi khümkhitpü arükheah.

JOHAN 3:11

Atsütsü inü nü ki thachoh, isanü tümü mükheahlanü ju asukchoh tüsho tümü ngüdünü thiyumütsan thsüchoh, tüshe nünü isa thiyumütsan müleangkhichoh.

JOHAN 3:32

Apinü tümü ngükhea tüsho asokheanü asukchoh, tütüshe shenü she api yusheak müleangkhi.

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.

JOHAN 4:42

Judüki arünü alibe ki tha, “Kheakü nünü athakhi hode isanü kinchoh yung, tümüde ha atsütsü Khrista tüsho alomiküp khümkhitbuh ah de isanü sodo tüsho mükheahdo.”

JOHAN 5:39

Nüsanü amüsühyubo yimchoh, tümüde jurü ching akheam müla rhangdung lah de nüsanü lümchoh; tüsho harünü I thiyumütsan thsüchoh.

YUNIRÜBO RHIMO 18:5

Küyimki Sila le Timothi büne Macedonia chingnü arükhea, Paul a Jisu ju Khrista lakheah de Jihudarü ki thiyumütsan thsüde thsangyuthsangrade alakheah.

1 PETER 5:12

Athülünkhi keoniorübo de inü khejihde alakhi Sila arung hode, ha atsütsü Thrünpuh amüthsüm ah de tuthsukde tüsho khipkhitde inü nüsa kilim akhihkhühnü thrütchoh.

1 JOHAN 4:10

Ha amuzho lah: isanü Thrünpuh muzhokhinü yung, tüshe apinü isa muzho tüsho isa neak dünthsükhipü api tsührü arüshih.

1 JOHAN 5:9

Isanü mihtsürü thiyumütsan leangkhichoh, tüshe Thrünpuh thiyumütsan atobe ah tümütüsho apinü atsührü dünkheak jihkhi Thrünpuh thiyumütsan ah.