1 JOHAN 3:9 - AMÜSÜH HÜM CL Bible (BSI)

⁹ Thrünpuh tsührü shenü she neak müyihbeakchoh, tümüde api kheak Thrünpuh yakli lah, tüsho apinü neak yihbeakpü mukuk tümütüsho api ju Thrünpuh tsührü ah.

1 JOHAN 3:9 Iomraidhean Croise

JOB HU H T ANYU 19:28

Nüsanü, “Isanü küde thsah api thsümüchipü!” tüsho, “Judürü ying api kheak lah” de thasho;

MUNGSHIKHÜN 119:3

Arünü amülim she mürhimo; arünü api limrobo ching tsahchoh.

LEVI 11:37

Tüsho ju ayangpü lakhi müjih kheak keamsho, ju a müsühlah,

MATHI 7:18

Sangdung atsünü sangaso amütsü asopü mukuk, yungsho sangdung amütsünü sangaso atsü asopü mukuk.

JOHAN 1:13

Arübo thiyihnü yung, shih lümkhinü yung, mihtsürü lümkhinü yung tüshe Thrünpuh hode zübe.

JOHAN 3:3

Jisunü alo tüsho api ki tha, “Atsütsü inü nü ki thachoh, api müzübephulosho shenü she Thrünpuh kiulongthsü müngü.”

YUNIRÜBO RHIMO 4:20

Tümüde isanü angükhi tüsho asokhi thapü isanü atuklopü mukuk.”

ROMRÜ KILIM PAULNÜ ATHRÜTKHI KIHÜM HUHTANYU 6:2

Jude yung! Isanü küde thsah neak ching shebah judü lang rhangdung lakhukpü?

GALATIA 5:17

Tümüde shihnü Me azhihde künchoh; tüsho harü khülangnü khülang mübaplapachih, junangde nünü alümkhi rhimopü zhipdochoh.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

1 PETER 1:23

Adükheakbe müjih yung tüshe amüdükheakpü arhang tüsho rünkhiungbe Thrünpuh yu hode nüsa aso zübeloshih.

1 JOHAN 2:29

Api thiyuro-lungki ah de nüsanü mükheahsho, alungki rhimorü aban api tsührü ah de nüsanü amütsanbah.

1 JOHAN 3:6

Api kheak larü sheshe neak müyihbeakchoh; neak yihbeakrü shenü she api müngü yungsho api mümükheah.

1 JOHAN 4:7

Amuzho müyamrübo, isanü khülangnü khülang muzhoachihanü; tümüde amuzho ju Thrünpuh kilimnü ah, tüsho shepünü muzhochonü Thrünpuh tsührü ah tüsho Thrünpuh mükheahlah.

1 JOHAN 5:1

Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh.

1 JOHAN 5:18

Thrünpuh tsührünü a neak müyihbeak de isanü mükheahlah, tüshe shepü Thrünpuh tsührüanü apinü kümchoh, tüsho amüneannü api müqiu.

1 JOHAN 5:4

Tümütüsho Thrünpuh tsührübo abannü alomi kukchoh; tüsho isa akin hode isanü alomi kurungkheak akuk ngükhi lah.

3 JOHAN 1:11

Amuzho müyambuh, amütsü dükheahkhi tüshe atsü kheahkhiang. Shepünü atsü rhimochonü Thrünpuh kilimnü ah; shepünü amütsü rhimochonü Thrünpuh müngü.