1 JOHAN 3:8 - AMÜSÜH HÜM CL Bible (BSI)

⁸ Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

1 JOHAN 3:8 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

ISAIA 27:1

Ju nimung Atungpuhnü abukakhiukde, ato tüsho amürang nukshangnü aphinkhi ke-rimri ahingkhulukkhi phuruto thsümüchibah tüsho apinü keto ching lakhi ke-phuru laksahbah.

WÜHKHE 21:9

Jumonü Mosanü müwayinchi phuruto thsübah sangkhrih kheak yihkih; junangde phurutonü khürü nguhbah ju kheak kheahsho rhangdung la.

MATHI 12:28

Tüshe Thrünpuh me hode inü amünean me yankhita lasho, Thrünpuh kiulongthsü nüsa kheak arüdo.

MATHI 13:38

Thulu ju alomiküp, müjih atsübo ju kiulongthsü tsührübo, tüshe muthsuaberimbo a mihbukmuyuk tsührübo ah.

MATHI 4:3

Küyimki rükakirü arükheanü api ki tha, “Nü Thrünpuh tsührü a sho, harü lungbo yikhap kampü thiyukhüm jihang.”

MARK 1:24

“Isanü nü lung tümü thsüba, Nazarethrü Jisu? Nü isa dükheakshihpü arükhea de? Nü sheanü inü mükheahlah– Thrünpuh yo Amüsüh Khülang ah!”

LUKNÜ ATHRÜTKHI THIYUSHEAK-ATSÜ HUHTANYU 10:18

Tüsho apinü arü ki tha, “Thüning chingnü Arimri chinchobe nangde akikhi inü ngüdo.

JOHAN 12:31

Kheakü ha lomi mahkhapkhi lah; kheakü ha lomi yakzanshuhrü yankhitbah.

JOHAN 16:11

mahkhap dünkheak, tümütüsho ha lomi yakzanshuhrü mahkhapdo.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

ROMRÜ KILIM PAULNÜ ATHRÜTKHI KIHÜM HUHTANYU 16:20

junangde mungtsü Thrünpuhnü nahde nüsa jing khüp Arimri zünakbah. Isa Atungpuh Jisu Khrista amüthsüm nüsa lung laang.

EFISIA 2:2

küpü ching nüsanü khülangki ha lomi limro, apung wu yakzanshuhrü, kheakü mihyumanikhi tsührübo kheak rhimode alakhi me yande atsahkhea,

KOLOSI 2:15

Wubo tüsho thiyukhüm-sühmühbo kheamshihde, apinü sangkimnü jurü kurungkheak akuk ngüde botonü kheahshih.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

IBRI 2:14

Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu,

IBRI 9:26

dükhülaa alomi thrünchoki Khrista ahihdo ki thsünüa labah. Tüshe kheakü lün akheam ching anihbuh shuhmülanga jihkhinü neak hande atsopü thsüde rüpde khülangki lang api arüdo.

2 PETER 2:4

Neak yihbeakrü yunirübo Thrünpuhnü maningshih, tüshe thsümüchipung ching jipyuka, amiting ching rhüka zobah mahkhap nimung aleangde lah.

1 JOHAN 1:2

rhangdung ju amikheak akhiukshih tüsho isanü ju ngü, ju thiyumütsan thsü, tüsho Abuh lung lakhi lün rhangdung tüsho isa ki amikheak akhiukkhi nüsa ki zhiyuk–

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.

1 JOHAN 3:5

Neakbo lude atsopü api amikheak akhiukdo de nüsanü mükheahlah; tüsho api kheak neak tümü müla.

1 JOHAN 5:19

Isa Thrünpuh yo, tüsho alomiküp athrünkhi amünean wu ching lah de isanü mükheahlah.

JUDNÜ ATHRÜTKHI KIHÜM HUHTANYU 1:6

Tüsho yunirübonü arü lapung dükde mülade amüthrikhi mahkhap ato nimung khiungde akheam müla wuhrünliunü rhüka amiting ching zo;

AMIKHEAKAKHIUKKHI 20:10

tüsho arü mülapyukbuh amünean ju shiwüh le arükchih wukihrübo lapung modüjim ching jipyuk, tüsho arübo azhing ayin lünnü lün thsümüchibah.

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.