1 JOHAN 3:5 - AMÜSÜH HÜM CL Bible (BSI)

⁵ Neakbo lude atsopü api amikheak akhiukdo de nüsanü mükheahlah; tüsho api kheak neak tümü müla.

1 JOHAN 3:5 Iomraidhean Croise

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

MATHI 1:21

Alibenü tsührü khülang zübebah, tüsho nünü api mung Jisu de ajibah, tümüde apinü anihbuh mihtsürü arü neakbo chingnü khümkhitbah.”

LUKNÜ ATHRÜTKHI THIYUSHEAK-ATSÜ HUHTANYU 23:41

Ike a lungkide thsümüchido, tümüde ikenü arhimokhi dün ike thsambah leangkhichoh; tüshe ha mihtsürünü amülim tümü mürhimo.”

LUKNÜ ATHRÜTKHI THIYUSHEAK-ATSÜ HUHTANYU 23:47

Kheakü küyimki bonungrü torünü ju dünjikhi ngükhea, apinü Thrünpuh shijihde tha, “Atsütsü ha thiyuro-lungki mihtsürü thsüa lah!”

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 1:31

Inü api mümükheah tüshe api Israel ki akhiuka huhpü lah, jumonü inü kenü baptide arü.”

JOHAN 14:30

Kheaküa inü nüsa lung masukachih, tümüde ha lomi yakzanshuhrü arüchoh, tüsho api ju I ki tümü müla.

JOHAN 8:46

Nüsa shepünü neak dünkheak I ki mütsanmükhi jihkhukba? Tüsho inü thiyuro thasho, tümüde nüsanü I mükin le?

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

1 TIMOTHI 1:15

Aneakrü khümkhitpü Jisu Khrista ha lomi ching arükheah de athakhi atsütsü tüsho dükde aleangkhibe athülün lah, tüsho arü kheaknü I amütsübe ah;

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

IBRI 4:15

Tümüde isa achangbe amükeamrü lakhi ju isa reangmüzahkhi ching mümuzhokhukbe yung, tüshe lüpdükhi ching isa nangde rükakikhi, tüshe neak mülakhi lah.

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

IBRI 9:26

dükhülaa alomi thrünchoki Khrista ahihdo ki thsünüa labah. Tüshe kheakü lün akheam ching anihbuh shuhmülanga jihkhinü neak hande atsopü thsüde rüpde khülangki lang api arüdo.

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

1 PETER 1:18

Nüsa jipürü kheaknü yamrüplurüp lukhi akeangkeang limrobo chingnü, adükheakbe shotoyinchi yungsho sunanü yungde nüsa rhokhitkheah de nüsanü mükheahlah,

1 PETER 1:20

Alomiküp müthrünyide api mokhita lakheah, tüshe nüsa thsülimnü harü akheam kimbo ching amikheak akhiukshih.

1 PETER 2:22

Apinü neak müyihbeak; amünnü akeangyu mütha.

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;

1 JOHAN 1:2

rhangdung ju amikheak akhiukshih tüsho isanü ju ngü, ju thiyumütsan thsü, tüsho Abuh lung lakhi lün rhangdung tüsho isa ki amikheak akhiukkhi nüsa ki zhiyuk–

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

1 JOHAN 2:1

I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah;

1 JOHAN 2:2

api ju isa neak dünthsükhikhi lah, tüsho isa thsungkheak lang yung tüshe alomiküp athrünkhi thsungkheak ah.

1 JOHAN 2:29

Api thiyuro-lungki ah de nüsanü mükheahsho, alungki rhimorü aban api tsührü ah de nüsanü amütsanbah.

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi