1 JOHAN 3:24 - AMÜSÜH HÜM CL Bible (BSI)

²⁴ Api yuzüng zorü alala api kheak lah, tüsho arü api kheak lah. Tüsho apinü isa kilim jihkhi Me hode api isa kheak lachoh de hanü isanü mükheahchoh.

1 JOHAN 3:24 Iomraidhean Croise

JOHAN 10:38

tüshe inü rhimosho, nüsanü I mükina lalashe, rhimobo kinang, junangde I Buh I kheak lah tüsho l api kheak lah de nüsanü amükheahbah tüsho akinbah.”

JOHAN 14:17

ju thiyuro Me. Alominü api müleangkhikhuk, müngü yungsho api mümükheah; tüshe nüsanü api mükheahlah, tümüde api nüsa lung lah tüsho nüsa kheak labah.

JOHAN 17:21

junangde nü, Abuh I kheak, tüsho I nü kheak lakhi nangde arü alala khülang labah; isa nangde arü she khülang labah, junangde nünü I thiyikheah de alominü akinbah.

1 KORINT 3:16

Nüsa ju Thrünpuh arüngyam tüsho Thrünpuh Me nüsa kheak lachoh de nüsanü mümükheah de?

1 KORINT 6:19

Nüsa pang ju Thrünpuh kilimnü arükhi nüsa kheak lakhi Amüsüh Me arüngyam ah de nüsanü mümükheah de? Nüsa ju nüsa nihbuh yo yung;

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.

2 TIMOTHI 1:14

isa kheak lakhi Amüsüh Me hode nü ki thiyikhi thiyuro aheangang.

1 JOHAN 2:24

Atankih chingnü nüsanü tümü sodünü nüsa kheak lashang. Nüsanü atankih chingnü asokhi nüsa kheak lasho, nüsanü atsührü tüsho Abuh kheak labah.

1 JOHAN 2:3

Tüsho isanü api yuzüngbo zosho isanü api mükheahpü ha hode amütsanbah.

1 JOHAN 2:5

tüshe shepünü api yu zochonü, thiyuronü Thrünpuh muzhokhi banthsangde lah, ha hode isa api lung lah de amütsanbah:

1 JOHAN 2:6

Shepünü anihbuh api lung lah de thachonü apinü atsahkhi limro ching anihbuhnü atsahbeah.

1 JOHAN 3:22

tüsho isanü tümüpürü kheangbanü isanü api kilimnü leangkhichoh, tümütüsho isanü api yuzüngbo zochoh tüsho api asühbe rhimochoh.

1 JOHAN 4:7

Amuzho müyamrübo, isanü khülangnü khülang muzhoachihanü; tümüde amuzho ju Thrünpuh kilimnü ah, tüsho shepünü muzhochonü Thrünpuh tsührü ah tüsho Thrünpuh mükheahlah.