1 JOHAN 3:23 - AMÜSÜH HÜM CL Bible (BSI)

²³ Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah.

1 JOHAN 3:23 Iomraidhean Croise

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

MATHI 22:39

Tüsho mahnepü ju, ‘Nünü nü yamhingrü ki nihbuh nangde muzhoang.’

MARK 9:7

Tüsho amo khülang arübah arü hingdo; tüsho amo chingnü düsheak khülang arü, “Ha inü amuzhokhi tsührü. Api ki aniang!”

JOHAN 1:12

Tüshe api leangkhirü ahihkhüh kilim, api mung ching kinrü kilim she apinü Thrünpuh tsührü kampü alim jih:

JOHAN 13:34

Nüsa khülangnü khülang muzhoachihpü inü nüsa kilim thiyuzüng aso khülang jihchoh; inü nüsa muzhokhi nangde, nüsa she khülangnü khülang muzhoachihang.

JOHAN 14:1

“Nüsa mulong düthsümünim, nüsanü Thrünpuh kheak kinang, tüsho I kheak she kinang.

JOHAN 15:12

Inü nüsa muzhokhi nangde nüsa khülangnü khülang muzhoachihpü thsüde ha I yuzüng ah.

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

JOHAN 2:23

Küyimki api phungho-thünio lachoki Jirusalem ching lakhea, apinü khinthiyinbe rhimokhi ngüchoki ahihkhühnü api mung ching kin.

JOHAN 3:18

Shepü api kheak kinchonü mübahyuk; tüshe shepünü mükinnü bahyukabahdo, tümütüsho apinü Thrünpuh tsührü lapkhiung mung ching mükin.

JOHAN 6:29

Jisunü alo tüsho arü ki tha, “Apinü athiyibuh kheak nüsanü akinpü ju Thrünpuh rhimo ah.”

YUNIRÜBO RHIMO 16:31

Tüsho anenü tha, “Atungpuh Jisu kheak kinang, tüsho nü le nü yamkhün khümkhitbah.”

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

1 TESALONIKA 4:9

Tüshe keoniorü muzhopü dünkheaknü khürünü nüsa ki thrütpü thsüde yihnüpü müla, tümüde khülangnü khülang muzhoachihpü Thrünpuhnü nüsa ki thsangyudo.

1 TIMOTHI 1:15

Aneakrü khümkhitpü Jisu Khrista ha lomi ching arükheah de athakhi atsütsü tüsho dükde aleangkhibe athülün lah, tüsho arü kheaknü I amütsübe ah;

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.

1 JOHAN 2:7

Amuzho müyamrübo, inü nüsa kilim thiyuzüng aso tümü müthrüt, tüshe atankih chingnü nüsa lakhi awün yuzüng ah; awün yuzüng ju nüsanü asokhi lah.

1 JOHAN 3:11

Tümüde isanü khülangnü khülang muzhoachihbeah dükhi ha atankih chingnü nüsanü isa kheaknü asokhi thiyusheak lah,

1 JOHAN 4:15

Shepünü Jisu ju Thrünpuh tsührü ah de alokhichonü Thrünpuh api kheak lachoh, tüsho api Thrünpuh kheak lachoh.

1 JOHAN 4:21

Tüsho shepünü Thrünpuh muzhochonü api keoniorü she amuzhobah de apinü isa kilim jihkhi thiyuzüng lah.

1 JOHAN 5:13

Sherünü Thrünpuh tsührü mung ching kinchonü inü ha nüsa kilim thrütchoh, junangde nüsa lün rhangdung lah de nüsanü amükheahbah.