1 JOHAN 3:22 - AMÜSÜH HÜM CL Bible (BSI)

²² tüsho isanü tümüpürü kheangbanü isanü api kilimnü leangkhichoh, tümütüsho isanü api yuzüngbo zochoh tüsho api asühbe rhimochoh.

1 JOHAN 3:22 Iomraidhean Croise

JOB HU H T ANYU 22:26

nünü Wutobuh kheak asühbah tüsho nü miro Thrünpuh ki dünkhitbah.

MUNGSHIKHÜN 10:17

Atungpuh , thsümütsürünü alunekhi sojang; nünü arü mulong toshang; tüsho arünü azhikhi anijang,

MUNGSHIKHÜN 34:4

Inü Atungpuh yim, tüsho apinü I ki alojih, tüsho I trekhi alala chingnü I bekhit.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MÜCHITMUDU 15:29

Atungpuh ju mihbukmuyuk kheaknü limshude lah, tüshe thiyuro-lungkirü tamkhüntamnükhi apinü sochoh.

MÜCHITMUDU 28:9

Shepünü yakzan anipü chingnü anükhün anguhde tsochonü, api tamkhüntamnü athraneanbe labah.

ISAIA 1:15

Küyimki nüsanü nüsa khah chungkhitbanü, nüsa kheaknü I mükbo jikabahbah; nüsanü khide tamkhüntamnünü she, inü mani; nüsa khahbo thiyihnü milah.

JEREMIA 33:3

I ki jiang tüsho inü nü ki alobah, tüsho nünü mümükheahkhi ato tüsho aramyu nü ki thabah.

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

MATHI 21:22

Tüsho nüsanü tümüpürü tamkhüntamnüde akheangbanü, nüsa akin lasho nüsanü angübah.”

MARK 11:24

Jumonü inü nüsa ki thachoh, tümüpürü nüsanü tamkhüntamnüde akheangbanü nüsanü jurü leangkhipü akin laang, tüsho nüsanü jurü ngübah.

JOHAN 14:13

Tüsho nüsanü tümüpürü I mung chingnü akheangbanü inü arhimobah, junangde atsührü kheaknü Abuh müretahbah.

JOHAN 15:10

Nüsanü I yuzüng zosho, inü I Buh yuzüng zobah api amuzho ching lakhi nangde nüsanü I muzho ching labah.

JOHAN 15:7

Nüsanü I kheak lasho tüsho I yubo nüsa kheak lasho, nüsanü tümü künlanü akheangbah, tüsho ju nüsa thsungkheak rhimobah.

JOHAN 6:29

Jisunü alo tüsho arü ki tha, “Apinü athiyibuh kheak nüsanü akinpü ju Thrünpuh rhimo ah.”

JOHAN 8:29

Tüshe shepünü I thiyikheanü I lung lah. Abuhnü I langzü muzojih, tümüde kamruhroro apinü amulongkhi inü rhimochoh.”

JOHAN 9:31

Thrünpuhnü a aneakrü ki manijihchoh de kheakü isanü mükheahlah; tüshe khürünü ju Thrünpuh kingaünrü thsüde api lümkhi rhimosho, apinü anihbuh ki anijihchoh.

YUNIRÜBO RHIMO 17:30

Mümükheahkhi kimbo Thrünpuhnü amümürang thsüdo, tüshe kheaküa lüpdükhi ching mihtsürü alala ki mulong müthripü thiyukhüm jihdo,

YUNIRÜBO RHIMO 20:21

mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

JAKOB 4:3

Nüsanü kheangchoh tüshe müngü, tümütüsho nüsanü nüsa shihkünkhi ching bahpü amülimnü kheangchoh.

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.

1 JOHAN 2:3

Tüsho isanü api yuzüngbo zosho isanü api mükheahpü ha hode amütsanbah.

1 JOHAN 5:14

Tüsho ha isanü api kheak mulongram lakhi lah, junangde isanü api lümkhi yande tümükhüh kheangsho apinü isa ki anijihchoh.