1 JOHAN 3:21 - AMÜSÜH HÜM CL Bible (BSI)

²¹ Amuzho müyamrübo, isa mulongnü isa mübahyuksho, Thrünpuh miki isa mulongram lah;

1 JOHAN 3:21 Iomraidhean Croise

JOB HU H T ANYU 22:26

nünü Wutobuh kheak asühbah tüsho nü miro Thrünpuh ki dünkhitbah.

JOB HU H T ANYU 27:6

Inü thiyuro-lungki düngdüng ramlolah tüsho inü ju mutsoshih; I lakhi khiungde I mulongnü I müthürüh.

MUNGSHIKHÜN 101:2

Inü khiukdahkhi limro ching lümlung lade yakli huhbah. O, nü küyimki I kilim arüba? Inü I mulong khiukdahkhinü I yam ching tsahbah.

ROMRÜ KILIM PAULNÜ ATHRÜTKHI KIHÜM HUHTANYU 14:22

Nü akin lakhi ju nü le Thrünpuh dükeak zoang; apinü am de alümkhi ching nihbuh küdah thsüde mübahyukrü asühpü.

1 KORINT 4:4

I lümkhi müsühde lah, tüshe junü I atsütsü amülim mülakhi mümütsanchoh, I yukhapbuh ju Atungpuh lah.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

EFISIA 3:12

api kheak isa akin hode thüninde ayüpü mulong tokhi, tüsho mulongram lakheah.

1 TIMOTHI 2:8

Inü dangpung aban ching bukmakhiukde yungsho murukachihde tamkhüntamnü ching amüsüh khahbo shuhkihshihnelah;

IBRI 10:22

isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü.

IBRI 4:16

Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.

1 JOHAN 2:7

Amuzho müyamrübo, inü nüsa kilim thiyuzüng aso tümü müthrüt, tüshe atankih chingnü nüsa lakhi awün yuzüng ah; awün yuzüng ju nüsanü asokhi lah.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

1 JOHAN 3:20

Küyimki isa mulongnü isa bahyukbanü, Thrünpuh ju isa mulong kheaknü atobe ah de isanü mükheahchoh, tüsho apinü lüpdükhi mükheahlah.

1 JOHAN 4:17

Hanangde mahkhap nimung isanü mulong topü thsüde isa bolung amuzho ju banthsangde kamshih, tümütüsho ha lomi ching isa api nangde lah.

1 JOHAN 5:14

Tüsho ha isanü api kheak mulongram lakhi lah, junangde isanü api lümkhi yande tümükhüh kheangsho apinü isa ki anijihchoh.