1 JOHAN 3:17 - AMÜSÜH HÜM CL Bible (BSI)

¹⁷ Tüshe shepü alomi kukrukbo labah api keoniorü yihnüpü lakhi ngücho, tütüshe api azhihde api mulong rihdosho, küde thsah Thrünpuh amuzho api kheak lapü?

1 JOHAN 3:17 Iomraidhean Croise

MÜCHITMUDU 12:10

Thiyuro-lungki mihtsürünü anihbuh shiwüh yihnüpü lakhi kümchoh, tüshe mihbukmuyuknü amuzhodakkhi ju yihkhro ah.

MÜCHITMUDU 14:31

Shepünü zhochihrü junochonü nihbuh Thrünrü bahyukchoh, tüshe shepünü api wüntrechonü müthsümülarü kheak mihmüthsüm lah.

MÜCHITMUDU 19:17

Shepünü zhochihrü ki muzhochonü Atungpuh ki nipjihchoh, tüsho anihbuhnü tümü jihkheanü apinü ajihlobah.

MÜCHITMUDU 21:13

Shepünü zhochihrünü azhikhi lim nükhün yihdochonü, anihbuhnü she azhibah tüsho musojihde alabah.

MÜCHITMUDU 28:9

Shepünü yakzan anipü chingnü anükhün anguhde tsochonü, api tamkhüntamnü athraneanbe labah.

LUKNÜ ATHRÜTKHI THIYUSHEAK-ATSÜ HUHTANYU 3:11

Tüsho apinü arü ki alo, “Shepü pangkhümpü mahne lanü, apinü amülabuh kilim jihshang; tüsho shepü tsühyungbe lanü apinü she jude thsüshang.”

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

IBRI 13:16

Atsü rhimopü tüsho nü lakhi chamachihpü amümürang düthsü, tümüde hadürü shuhmülanga jihkhinü Thrünpuh asühshihchoh.

JAKOB 2:15

Keoniorü yungsho keonioberü khülang khimmih yungsho tsühyungbe mülasho,

JAKOB 2:16

tüsho nüsa khülangnü arü pang thsungkheak yihnüpü lakhi kukruk müjihde arü ki, “Mungtsü chingnü yüang, lamlamang tüsho bukthsüang,” de thasho, ju tümü alü la?

1 JOHAN 4:20

Khürünü, “Inü Thrünpuh muzholah,” de thabah api keoniorü thraneansho, api akeangyu tharü ah; tümüde shepünü apinü angükhi keoniorü mümuzhonü apinü amüngükhi Thrünpuh mümuzhokhuk.

1 JOHAN 5:1

Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh.