1 JOHAN 3:12 - AMÜSÜH HÜM CL Bible (BSI)

¹² tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah.

1 JOHAN 3:12 Iomraidhean Croise

THRÜNTAN 4:25

Kheakü Adamnü aniube kheak nung, tüsho alibenü tsührü khülang zübe tüsho amung Seth de jide tha, “Thrünpuhnü Abel müthri tsührü khülang I kilim jihdo, tümütüsho Kainnü api laksah.”

2 SAMUEL 13:22

Tüshe Absalomnü Amnon ki atsü yungsho amütsü she mütha; tümüde Absalomnü Amnon thranean; tümütüsho apinü aniurü Tamar kheak reangkihde amütsü rhimo.

MUNGSHIKHÜN 37:12

Mihbukmuyuknü thiyuro-lungkirü azhihde lümkhi asahchoh, tüsho api kheak hü züchoh.

MUNGSHIKHÜN 38:20

Atsü dün amütsü jihlorünü I azhihchoh, tümütüsho inü alungki rhimopü mürangchoh.

MÜCHITMUDU 27:4

Bukmükekhi ju yihkhro tüsho bukakhiukkhi ju düchi, tüshe shepünü mükthsükhi müngüh zhipkhukba?

MÜCHITMUDU 29:10

Thiyih yungdanrünü amülim mülarü thraneanchoh, tüshe thiyurolungkirünü api tsüde alashihpü yimchoh.

MÜCHITMUDU 29:27

Thiyuro-lungkirünü thiyuro mülarü thraneanchoh; mihbukmuyuknü alungkirü thraneanchoh.

MATHI 13:19

Küyimki khürünü kiulongthsü yu sobah ju manikhitba, Amütsü Khülang arübah api mulong ching hiua lakhi ju jangkhide tsochoh. Müjih limmungyean hiukhi ju api ah.

MATHI 13:38

Thulu ju alomiküp, müjih atsübo ju kiulongthsü tsührübo, tüshe muthsuaberimbo a mihbukmuyuk tsührübo ah.

MATHI 23:35

junangde thiyuro-lungkirü Abel thiyih kheaknü nüsanü arüngyam le kingaün sadam dükeak laksahkhi Berekia tsührü Zekaria thiyih khiungde, alomi ching thiyuro-lungkirü thiyih bukkhi alala nüsa kheak arübah.

MATHI 27:23

Judüki kovünornü tha, “Tümü thsükhi, apinü amütsü tümü rhimoa la?” Tüshe arünü alü thsüde tha, “Api yümkihang!”

MATHI 5:37

Tüshe nünü am tüsho am dang, tüsho yung tüsho yung dang; tümükhüh ha hobah lasho ju amütsübe limnü arüchoh.

LUKNÜ ATHRÜTKHI THIYUSHEAK-ATSÜ HUHTANYU 11:51

Abel thiyih kheaknü kingaün sadam le arüngakopung dükeak bukkhi Zekaria thiyih khiungde. Am inü nüsa ki thachoh, ha lün thsümüchibah.

JOHAN 10:32

Jisunü arü ki tha, “I Buh kilimnü inü rhimo atsü ahihdo nüsa kilim huhdo. Jurü rhimobo küpü dünkheak nüsanü I kingcho?”

JOHAN 8:40

Tüshe kheakü nüsanü Thrünpuh kilimnü sobah nüsa ki thiyuro thabuh mihtsürü I laksahpü yimchoh. Abrahamnü hade mürhimo.

JOHAN 8:41

Nüsanü nüsa abuh rhimobo thsüchoh.” Judüki arünü api ki tha, “Isa a aleangkheak tsührü yung; isa Abuh khülang, Thrünpuh lah.”

YUNIRÜBO RHIMO 7:52

Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–

1 TESALONIKA 2:14

Keoniorübo, nüsa ju Judea ching Jisu Khrista lung Thrünpuh borübo kheahkhirü kamdo; tümüde Jihudarü hode arü thsünükhi nangde nüsa nihbuh lomi mihtsürü hode ju ruk thsünüdo,

IBRI 11:4

Akin hode Abelnü Kain kheaknü atsübe laksah-a kingaünkhi Thrünpuh kilim jih, ju hode Thrünpuhnü api thsambah leangkhikhinü thiyumütsan thsüde thiyuro-lungki mülükhi ngü; api shedo, tüshe api akin hode kheakü khiungde asukchoh.

IBRI 12:24

tüsho aso tangzüng limburü Jisu kilim, tüsho Abel thiyih kheaknü alü muzhode athakhi arhakkihkhi thiyih kilim.

1 PETER 4:4

Tüsho kheakü nüsanü arü lung müdanyukkhi tüsho yancho lakhi ching müberungmonü amükinrübonü nüsa azhihde amütsü thachoh;

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.

AMIKHEAKAKHIUKKHI 17:6

Tüsho alibe ju amüsührü thiyih tüsho Jisu dünkheaknü alaksahrü thiyihnü müshanga inü ngü. Küyimki inü alibe ngükheanü I khide müyinsah.