1 JOHAN 3:10 - AMÜSÜH HÜM CL Bible (BSI)

¹⁰ Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.

1 JOHAN 3:10 Iomraidhean Croise

2 SAMUEL 13:22

Tüshe Absalomnü Amnon ki atsü yungsho amütsü she mütha; tümüde Absalomnü Amnon thranean; tümütüsho apinü aniurü Tamar kheak reangkihde amütsü rhimo.

MATHI 13:38

Thulu ju alomiküp, müjih atsübo ju kiulongthsü tsührübo, tüshe muthsuaberimbo a mihbukmuyuk tsührübo ah.

LUKNÜ ATHRÜTKHI THIYUSHEAK-ATSÜ HUHTANYU 6:35

Tüshe nü riribo muzhoang, atsü rhimoang, tüsho angülopü mükkin dülade nipjang; tüsho nü thsambah ato labah, tüsho nüsa ju Khide Achang tsührübo thsübah; tümüde apinü makshe-müjihrü tüsho mihbukmuyuk ki muzholah.

JOHAN 1:12

Tüshe api leangkhirü ahihkhüh kilim, api mung ching kinrü kilim she apinü Thrünpuh tsührü kampü alim jih:

JOHAN 11:52

tüsho ju trükshih thsungkheak lang yung tüshe Thrünpuh tsührübo hiumüzüta larü khülang kamde bemukhungpü lakheah.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

JOHAN 8:47

Shepü Thrünpuh yoanü Thrünpuh yu anichoh; jumonü nüsanü mani, tümütüsho nüsa a Thrünpuh yo yung.”

YUNIRÜBO RHIMO 13:10

tüsho tha, “Nü arimri tsührü, akeangyu tüsho mülapmüjinü mide alakhi thiyurolungkirü alala riri, nünü Atungpuh limro khürangshihpü mutukloba de?

ROMRÜ KILIM PAULNÜ ATHRÜTKHI KIHÜM HUHTANYU 13:8

Khülangnü khülang ki muzhoachihpü kheak hode she ki she azüng düzo; tümüde shepünü nihbuh yamhingrü muzhochonü yakzan mihyuanido.

EFISIA 5:1

Jumonü amuzhokhi tsührübo nangde Thrünpuh kheahkhirü thsang.

KOLOSI 3:14

Tüsho harü alala kurungkheak, tsüdakde arihakokhi ching lüpdükhi rhükrukhi amuzho yihang.

1 TIMOTHI 1:5

Ha thiyukhüm jihkhi mükkheahkih ju mulong amüsüh, lümkhi atsü tüsho düküngde akinkhi chingnü arükhi amuzho lah.

1 JOHAN 2:29

Api thiyuro-lungki ah de nüsanü mükheahsho, alungki rhimorü aban api tsührü ah de nüsanü amütsanbah.

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

1 JOHAN 4:21

Tüsho shepünü Thrünpuh muzhochonü api keoniorü she amuzhobah de apinü isa kilim jihkhi thiyuzüng lah.

1 JOHAN 4:6

Isa a Thrünpuh yo ah. Shepünü Thrünpuh mükheahlanü isa ki anichoh, tüsho shepü Thrünpuh yo yungnü isa ki manichoh. Ha hode isanü thiyuro tüsho arükchih me mükheahchoh.

1 JOHAN 4:8

Shepünü mümuzhonü Thrünpuh mümükheah; tümüde Thrünpuh ju amuzho ah.

1 JOHAN 5:19

Isa Thrünpuh yo, tüsho alomiküp athrünkhi amünean wu ching lah de isanü mükheahlah.

1 JOHAN 5:2

Küyimki isanü Thrünpuh muzhoba tüsho api yuzüng anibanü ha hode isanü Thrünpuh tsührübo muzholah de mükheahchoh.

3 JOHAN 1:11

Amuzho müyambuh, amütsü dükheahkhi tüshe atsü kheahkhiang. Shepünü atsü rhimochonü Thrünpuh kilimnü ah; shepünü amütsü rhimochonü Thrünpuh müngü.