1 JOHAN 2:7 - AMÜSÜH HÜM CL Bible (BSI)

⁷ Amuzho müyamrübo, inü nüsa kilim thiyuzüng aso tümü müthrüt, tüshe atankih chingnü nüsa lakhi awün yuzüng ah; awün yuzüng ju nüsanü asokhi lah.

1 JOHAN 2:7 Iomraidhean Croise

LEVI 19:18

Nünü nü mihtsürü azhihde rodüyim, yungsho mükthsühüthsü düla, tüshe nünü nü yamhingrü ki nihbuh nangde muzhoang: I Atungpuh ah.

LEVI 19:34

Nüsa lung lakhi khiungkerü ju mihkhung nangde alabah; nünü khiungkerü ki nihbuh nangde muzhoang, tümüde nüsa Ijip ching khiungkerü lakheah: I Atungpuh nüsa Thrünpuh.

MATHI 5:43

“Hade athakhi nüsanü sodo, ‘Nü yamhingrü muzhoang tüshe nü riri thraneanang.’

JOHAN 13:34

Nüsa khülangnü khülang muzhoachihpü inü nüsa kilim thiyuzüng aso khülang jihchoh; inü nüsa muzhokhi nangde, nüsa she khülangnü khülang muzhoachihang.

YUNIRÜBO RHIMO 17:19

Tüsho arünü tholobah kiuthsü-binkiu Areopaga miki bedarübah tha, “Nünü athsangyukhi aso ha tümüanü isanü mükheahnelah.

YUZÜNGTHALO 6:5

Nü mulong athrünkhinü, nü me athrünkhinü, tüsho nü sühmüh athrünkhinü Atungpuh nü Thrünpuh muzhoang.

IBRI 6:9

Amuzho müyamrübo, isanü hanangde thaa lalashe, nüsa akhümkhit müngühmühi atsübe lakhi nüsa dünkheak mulongram lah.

1 JOHAN 2:24

Atankih chingnü nüsanü tümü sodünü nüsa kheak lashang. Nüsanü atankih chingnü asokhi nüsa kheak lasho, nüsanü atsührü tüsho Abuh kheak labah.

1 JOHAN 3:11

Tümüde isanü khülangnü khülang muzhoachihbeah dükhi ha atankih chingnü nüsanü isa kheaknü asokhi thiyusheak lah,

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

1 JOHAN 3:21

Amuzho müyamrübo, isa mulongnü isa mübahyuksho, Thrünpuh miki isa mulongram lah;

1 JOHAN 3:23

Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah.

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.

1 JOHAN 4:11

Amuzho müyamrübo, Thrünpuhnü junangde isa muzhokheasho, isanü she khülangnü khülang muzhoachihbeah.

1 JOHAN 4:21

Tüsho shepünü Thrünpuh muzhochonü api keoniorü she amuzhobah de apinü isa kilim jihkhi thiyuzüng lah.

1 JOHAN 4:7

Amuzho müyamrübo, isanü khülangnü khülang muzhoachihanü; tümüde amuzho ju Thrünpuh kilimnü ah, tüsho shepünü muzhochonü Thrünpuh tsührü ah tüsho Thrünpuh mükheahlah.