1 JOHAN 2:6 - AMÜSÜH HÜM CL Bible (BSI)

⁶ Shepünü anihbuh api lung lah de thachonü apinü atsahkhi limro ching anihbuhnü atsahbeah.

1 JOHAN 2:6 Iomraidhean Croise

MUNGSHIKHÜN 85:13

Thiyuro-lungki ju api müngüh yübah, tüsho api jing düküpü limro thsakhambah.

MATHI 11:29

I sangkap lubah nüsa kheak yihkihang tüsho I kheaknü anikhitang, tümüde I tsüyihrü tüsho mulong athünak, tüsho nüsa me sühakhim ngübah.

JOHAN 13:15

Tümüde inü nüsa ki rhimoa huhkhi nangde nüsanü arhimoshihpü nüsa ki amütsan khülang jihdo.

JOHAN 15:10

Nüsanü I yuzüng zosho, inü I Buh yuzüng zobah api amuzho ching lakhi nangde nüsanü I muzho ching labah.

1 KORINT 11:1

Inü Khrista kheahkhikhi nangde, I kheahkhiang.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

1 PETER 2:21

Tümüde nüsa ha ching jikheah, tümütüsho nüsanü api jingshu ching yanpü amütsan zojihde Khrista she nüsa dünkheaknü thsünü.

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.

1 JOHAN 2:4

Shepünü “Inü api mükheahlah” de thabah api yuzüngbo maninü akeangyu tharü ah, tüsho thiyuro api kheak müla;

1 JOHAN 3:24

Api yuzüng zorü alala api kheak lah, tüsho arü api kheak lah. Tüsho apinü isa kilim jihkhi Me hode api isa kheak lachoh de hanü isanü mükheahchoh.

1 JOHAN 3:6

Api kheak larü sheshe neak müyihbeakchoh; neak yihbeakrü shenü she api müngü yungsho api mümükheah.

1 JOHAN 4:17

Hanangde mahkhap nimung isanü mulong topü thsüde isa bolung amuzho ju banthsangde kamshih, tümütüsho ha lomi ching isa api nangde lah.