1 JOHAN 2:24 - AMÜSÜH HÜM CL Bible (BSI)

²⁴ Atankih chingnü nüsanü tümü sodünü nüsa kheak lashang. Nüsanü atankih chingnü asokhi nüsa kheak lasho, nüsanü atsührü tüsho Abuh kheak labah.

1 JOHAN 2:24 Iomraidhean Croise

MUNGSHIKHÜN 119:11

Inü nü yu I mulong ching ramlah, junangde inü nü azhihde neak müyihbeak.

MÜCHITMUDU 23:23

Thiyuro thuloang, tüsho ju düyin; lümlung thsangdankhi tüsho anikhitkhi ngüang.

LUKNÜ ATHRÜTKHI THIYUSHEAK-ATSÜ HUHTANYU 1:2

Atankih chingnü harü ngübah isa ki ha yusheak zhiyukrünü ju thrüt.

LUKNÜ ATHRÜTKHI THIYUSHEAK-ATSÜ HUHTANYU 9:44

“Harü yubo nüsa nükhünbo ching yüzahshang, tümüde Mihtsürü Tsührü ju mihtsürübo khah ching yukjihpü thsüchoh.”

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

JOHAN 15:7

Nüsanü I kheak lasho tüsho I yubo nüsa kheak lasho, nüsanü tümü künlanü akheangbah, tüsho ju nüsa thsungkheak rhimobah.

JOHAN 6:56

Shepünü I shih tsühcho tüsho I thiyih yungchonü I lung lachoh, tüsho l api lung lachoh.

JOHAN 8:25

Judüki arünü api ki tha, “Nü she a?” Tüsho Jisunü alo, “Atankih chingnü inü nüsa ki tümü thakheanü ju ah.

FILIPI 4:15

Thiyusheak atsü atankih ching, I Macedonia chingnü akhinchoki, nüsa kheak hode ajihpü tüsho aleangkhipü ching borü shenü she I lung matrurungde nüsa Filipirünü mükheahlah;

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

IBRI 2:1

Jumonü isanü asokhi kheak mulong jihbeah, jude yungsho ju chingnü bede tsoabahbah.

IBRI 3:14

Tümüde isanü akhuhbe mulongram lakhi ju akheam khiungde düküngde ramrihsho, isanü Khrista lung shihcham luchoh.

1 JOHAN 1:3

nüsanü isa lung arihakode alapü thsüde isanü angükhi tüsho asokhi nüsa ki she zhiyuk; tüsho isa arihako ju Abuh tüsho atsührü Jisu Khrista kheak lah.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

1 JOHAN 2:7

Amuzho müyamrübo, inü nüsa kilim thiyuzüng aso tümü müthrüt, tüshe atankih chingnü nüsa lakhi awün yuzüng ah; awün yuzüng ju nüsanü asokhi lah.

1 JOHAN 3:24

Api yuzüng zorü alala api kheak lah, tüsho arü api kheak lah. Tüsho apinü isa kilim jihkhi Me hode api isa kheak lachoh de hanü isanü mükheahchoh.

1 JOHAN 4:13

Ha hode isa api kheak lah tüsho api isa kheak lah de isanü mükheahlah, tümütüsho apinü api Me isa kilim jih.

1 JOHAN 4:15

Shepünü Jisu ju Thrünpuh tsührü ah de alokhichonü Thrünpuh api kheak lachoh, tüsho api Thrünpuh kheak lachoh.

1 JOHAN 4:16

Jumonü Thrünpuhnü isa thsungkheak amuzho lah de isanü mükheahlah tüsho kinchoh. Thrünpuh ju amuzho ah, tüsho shepü amuzho ching lanü Thrünpuh kheak lachoh, tüsho Thrünpuh api kheak lachoh.

2 JOHAN 1:2

isa kheak lakhi tüsho lünnü isa kheak lapü lakhi thiyuro dünkheaknü:

2 JOHAN 1:9

Shepünü akhuhlimnü yücho tüsho Khrista kingaün-yakzan ching mülachonü Thrünpuh müla; shepünü kingaünyakzan ching lachonü Abuh tüsho atsührü chido lah.

3 JOHAN 1:3

Nü thiyuro ching düküngde alakhi tüsho thiyuro ching mutukzhakde atsahkhi dünkheak keoniorübo khürünü arübah athakhi I khide asühdo.

AMIKHEAKAKHIUKKHI 3:11

I nahde arüchoh; shenü she nü kuthran mulupü thsüde nü tümü lanü düngde ramrihang.

AMIKHEAKAKHIUKKHI 3:3

Jumonü nünü tümü leangkhikhea tüsho asokheanü lümkhitang; ju mihyuaniang, tüsho mulong müthriang. Nünü masürüsho, ahührü nangde I arübah, tüsho tümü kim ching I nü kilim arübanü nünü mümükheah.