1 JOHAN 2:20 - AMÜSÜH HÜM CL Bible (BSI)

²⁰ Tüshe Amüsühbuh Khülangnü nüsa mujude-müsühkhit, tüsho nüsa alalanü mükheahlah.

1 JOHAN 2:20 Iomraidhean Croise

MUNGSHIKHÜN 16:10

Tümüde nünü I Ashe-lomi ching jihamübah, yungsho nü yo amüsühbuhnü ashekhi müngüshih.

MUNGSHIKHÜN 23:5

Nünü I riri miki dükhüm khülang thsakhamchoh, nünü I ku kheak müdangke muju; I pung mikhiukde lah.

MUNGSHIKHÜN 45:7

Nünü thiyuro-lungki muzhochoh tüsho mihbukmuyuk thraneanchoh; jumonü Thrünpuh, nü Thrünpuhnü asühpü müdangkenü nü müyamrü kurungkheak mujude-mokhit.

MUNGSHIKHÜN 71:22

Nü thiyuro lakhi thsungkheak bingshang bede nü shijihbah, O I Thrünpuh; inü bingkhung bede nü shijihbah, O Israel Amüsühbuh Khülang.

MUNGSHIKHÜN 92:10

Tüshe nünü I mütüm moshipung nangde sühmüh lade kamshih; müdangke asonü I mujude-müsühkhit.

MÜCHITMUDU 28:5

Amütsü mihtsürünü thiyuro mümükheah, tüshe sherünü A TUN GPU H yimchonü alala anikhitlah.

ISAIA 43:3

Tümüde I Atungpuh nü Thrünpuh, Amüsüh Israel Thrünpuh, nü Khümkhitbuh. Inü nü rhokhitpü Ijip, nü müthri Ethiopia tüsho Seba jihchoh.

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

LEVI 7:35

Ha Mosanü arübo amükeamrü thsüde Atungpuh tankihshihpü jih nimung Atungpuh kilim taka kingaünkhi chingnü Aron tüsho atsührübo kilim amüsüh shihcham.

MATHI 13:11

Apinü alo, “Tümütüsho yinmi kiulongthsü aramyubo mükheahpü nüsa kilim jih, tüshe arü kilim a müjih.

MARK 1:24

“Isanü nü lung tümü thsüba, Nazarethrü Jisu? Nü isa dükheakshihpü arükhea de? Nü sheanü inü mükheahlah– Thrünpuh yo Amüsüh Khülang ah!”

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

LUKNÜ ATHRÜTKHI THIYUSHEAK-ATSÜ HUHTANYU 4:34

“Ah! Nazarethrü Jisu, nünü isa kheak tümü thsüba? Nü isa dükheakshihpü arükhea de? Nü sheanü inü mükheahlah–Israel Thrünpuh yo Amüsüh Khülang ah.”

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

JOHAN 16:13

Judüalalashe, küyimki thiyuro Me arübanü apinü nüsa thiyuro alala ching bebah; tümüde apinü nihbuh thiyukhümsühmühnü mütha, tüshe tümüpürü apinü asobanü athabah; tüsho adünjipü lakhi apinü nüsa ki thabah.

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

YUNIRÜBO RHIMO 3:14

Tüshe nüsanü Amüsüh tüsho Thiyuro-lungkibuh bahyuk, tüsho mihlaksahrü nüsa kilim dükheshihpü kheang,

1 KORINT 2:15

Me lakhi mihtsürünü lüpdükhi yukhappü kuklah, tüshe shenü she api yukhappü mukuk.

IBRI 1:9

Nünü thiyuro-lungki muzhodo tüsho amülim thraneando; jumonü nü Thrünpuhnü nü müyamrübo kheaknü alü thsüde asühkhi müdangkenü nü mujujihdo.”

IBRI 8:11

Tüsho arü mihbüm abannü müyamrü yungsho keoniorü ki, ‘Atungpuh mükheahang’ de müthsangyu, tümüde aninibenü atobe khiungde arü alalanü l mükheahbah.

1 JOHAN 2:27

tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang.

1 JOHAN 4:13

Ha hode isa api kheak lah tüsho api isa kheak lah de isanü mükheahlah, tümütüsho apinü api Me isa kilim jih.

JUDNÜ ATHRÜTKHI KIHÜM HUHTANYU 1:5

Nüsanü khülangki, shepünü Ijip lomi chingnü mihtsürü khümkhitbah, ju dunglim amükinrübo dükheakshihkheanü tsüde mükheah-a lalashe, inü nüsa ki lümkhitloshihpü mulonglah.

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”