1 JOHAN 2:17 - AMÜSÜH HÜM CL Bible (BSI)

¹⁷ Tüsho alomi le junü akünkhi hode tsoabahchoh; tüshe shepünü Thrünpuh lümkhi rhimochonü lünnü lah.

1 JOHAN 2:17 Iomraidhean Croise

MUNGSHIKHÜN 102:26

Arübo adükheakbah, tüshe nü a rünkhiungbah; arü alala khimmih nangde amürhütbah; khimmih nangde nünü arü müthribah, tüsho arübo amüthribah.

MUNGSHIKHÜN 143:10

Nü lümkhi rhimopü I ki thsangyuang, tümüde nü I Thrünpuh ah; nü me atsünü alungki limro ching I beshang.

MUNGSHIKHÜN 39:6

Tsükjide mihtsürü aban alamme khülang nangde tsahchoh; tsükjide arü akeangkeang ching zuknukde lah; apinü lakhit wumujungchoh, tüsho shenü jurü lubanü mümükheah.

MUNGSHIKHÜN 90:9

Tümüde isa nimungbo alala nü mulong zhipzhip ching hodo; isa kambo sheak thsükhi nangde kheamdo.

MÜCHITMUDU 10:25

Küyimki chitmühean hobanü, mihbukmuyuk mülatsan, tüshe thiyuro-lungkirü a lünnü düküngde zhipchoh.

MATHI 21:31

Mahne bolung shepünü abuhnü alümkhi rhimokhea?” Arünü alo, “Akhuhbuhnü.” Jisunü arü ki tha, “Atsütsü inü nüsa ki thachoh, ruk-threrü tüsho müzammüramrübo nüsa müngühnü Thrünpuh kiulongthsü ching yüchoh.

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

MATHI 7:21

“Yinmi ching labuh I Buh lümkhi rhimorü kheak hode I ki, ‘Atungpuh, Atungpuh,’ de ajirü abannü yinmi kiulongthsü ching müyüzah.

MARK 3:35

Tümütüsho shepünü Thrünpuh lümkhi rhimochonü I khiung, I chi tüsho I be ah.”

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

JOHAN 6:58

Nüsa jipürünü sunglo ching manna tsühbah shea lakhi ruk yungde, ha yinmi chingnü akikhi yikhap ah. Shepünü ha yikhap tsühbanü lünnü alabah.”

JOHAN 7:17

Khürünü api lümkhi rhimopü mulongsho kingaün-yakzan ju Thrünpuh kilimnü a shi I thiyukhüm-sühmühnü asukchonü amükheahbah.

ROMRÜ KILIM PAULNÜ ATHRÜTKHI KIHÜM HUHTANYU 12:2

Ha lomi yakli yande düla tüshe nüsa lümkhi aso kamde thsüphuloang, junangde nüsanü Thrünpuh lümkhi tümü atsü a, aleangkhikhukbe a tüsho khiukdahkhi lanü amütsanbah.

1 KORINT 7:31

tüsho sherünü alomi kukruk ahorichonü, arünü mahorikhi nangde laang. Tümüde kheakü alomi hode tsochoh.

KOLOSI 1:9

Jumonü isanü ju sokhi nimungnü, me lümlung tüsho anikhitkhi alala ching api lümkhi mükheahmudunü nüsa mide akampü keokhide nüsa thsungkheak tamkhüntamnüpü isanü anüzhak müthsü,

KOLOSI 4:12

Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh.

1 TESALONIKA 4:3

Nüsa tsangkhitpü ju Thrünpuh lümkhi lah: junangde nüsanü müzammüram bahkhibeah;

1 TESALONIKA 5:18

kuhi alala ching makshe jihang, tümüde ha nüsa thsungkheak Jisu Khrista ching Thrünpuh lümkhi ah.

IBRI 10:36

Tümüde nüsanü arümkheampü yihnüpü lah, junangde nüsanü Thrünpuh lümkhi rhimobah tüsho alokhia lakhi leangkhibah.

JAKOB 4:14

Nüsanü shido tümü dünjibanü mümükheah. Nüsa rhangdung ju tümü a? Tümüde nüsa ju shumuliu anükhühkheak labah kheamabahkhi nangde lah.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.

1 PETER 4:2

junangde kheaküa aningkhi api alomi rhangdung ju mihtsürünü akünkhinü yung tüshe Thrünpuh lümkhinü lachoh.