1 JOHAN 2:14 - AMÜSÜH HÜM CL Bible (BSI)

¹⁴ Buhrübo, inü nüsa kilim thrütchoh, tümütüsho shepü atankih chingnü alakheanü nüsanü mükheahlah. Athrününgtsüngbo, inü nüsa kilim thrütchoh, tümütüsho nüsa sühmüh lah, tüsho Thrünpuh yu nüsa kheak lah, tüsho nüsanü amütsübe chingnü tsokhitdo.

1 JOHAN 2:14 Iomraidhean Croise

MUNGSHIKHÜN 119:11

Inü nü yu I mulong ching ramlah, junangde inü nü azhihde neak müyihbeak.

JOHAN 15:7

Nüsanü I kheak lasho tüsho I yubo nüsa kheak lasho, nüsanü tümü künlanü akheangbah, tüsho ju nüsa thsungkheak rhimobah.

JOHAN 5:38

Tüshe nüsa kheak api yu müla, tümütüsho apinü athiyibuh kheak nüsanü mükin.

JOHAN 8:31

Judüki Jisunü api kheak kinrü Jihudarü ki tha, “Nüsanü inü thsangyukhi anisho, atsütsü nüsa I jingyanrü ah.

JOHAN 8:37

Nüsa ju Abraham tsühsoniusobo ah de inü mükheahlah, tüshe nüsanü I laksahpü yimchoh, tümütüsho inü thsangyukhi nüsanü müleangkhi.

EFISIA 6:10

Akheamde, Atungpuh tüsho wuto sühmüh ching düküngang.

FILIPI 4:13

I sühmüh jihbuh hode inü lüpdükhi thsükhuklah.

KOLOSI 1:11

Api müretah sühmüh yande, rünkhiungpü tüsho asühachih arümkheam alala thsungkheak wu alalanü nüsa reangzahshang,

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

2 TIMOTHI 2:1

Jumonü I tsah-a, Jisu Khrista kheak lakhi amüthsüm ching düküngang,

IBRI 8:10

Ju nimung dunglim inü Israel yamkhün kheak tangzüngpü ha lah, Atungpuhnü thachoh: Inü arü lümkhi ching yakzan yukjihbah, tüsho arü mulongbo kheak thrütbah, I arü Thrünpuh thsübah tüsho arü I mihtsürü thsübah.

1 JOHAN 1:1

Atankih chingnü alakhi, isanü asokhi, isa müknü angükhi, isanü kheahbah isa khahbonü aqiukhi rhangdung yu dünkheak–

1 JOHAN 1:10

Isanü neak müyihbeak de isanü thasho, isanü api ju akeangyu tharü kamshihchoh, tüsho api yu isa kheak müla.

1 JOHAN 2:13

Buhrübo, inü nüsa kilim thrütchoh, tümütüsho shepü atankih chingnü alakheanü nüsanü api mükheahlah. Athrününgtsüngbo, inü nüsa kilim thrütchoh, tümütüsho nüsanü amütsübe chingnü tsokhitdo. Azürübo, inü nüsa kilim thrütchoh, tümütüsho nüsanü Abuh mükheahlah.

2 JOHAN 1:2

isa kheak lakhi tüsho lünnü isa kheak lapü lakhi thiyuro dünkheaknü:

3 JOHAN 1:3

Nü thiyuro ching düküngde alakhi tüsho thiyuro ching mutukzhakde atsahkhi dünkheak keoniorübo khürünü arübah athakhi I khide asühdo.

AMIKHEAKAKHIUKKHI 2:3

Nü arümkheamkhi, I mung dünkheak thsünükhi tüsho nü mükeaksahkhi inü mükheahlah.

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’