1 JOHAN 2:12 - AMÜSÜH HÜM CL Bible (BSI)

¹² I tsührübo, inü nüsa kilim thrütchoh, tümütüsho api thsülimnü nüsa neakbo bahjihdo.

1 JOHAN 2:12 Iomraidhean Croise

MUNGSHIKHÜN 106:8

Judüalalashe api mung chingnü apinü arü khümkhit, junangde apinü api wu ato mükheahshihpü lakheah.

MUNGSHIKHÜN 25:11

O Atungpuh , nü mung chingnü I mülimkhi bahjang, tümüde ha tode lah.

JEREMIA 14:7

Isa mülimkhibonü isa azhihde thiyumütsan thsüthsü she, O Atungpuh , nü mung chingnü rhimoang; tümüde isa ashitlokhi tode lah tüsho isanü nü azhihde neak yihbeakdo.

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

LUKNÜ ATHRÜTKHI THIYUSHEAK-ATSÜ HUHTANYU 5:20

Tüsho apinü arü akin ngübah tha, “Mihtsürü, nü neakbo bahjihdo.”

YUNIRÜBO RHIMO 10:43

Sherünü api kheak kinchonü api mung hode neak bahjihkhi leangkhichoh de wukihrübo alalanü api kilim thiyumütsan thsüchoh.”

YUNIRÜBO RHIMO 13:38

Jumonü keoniorübo, ha mihtsürü hode neak bahjihkhi nüsa ki zhiyukdo de mükheahang,

YUNIRÜBO RHIMO 4:12

Tüsho püpü tümü ching she akhümkhit müla, tümüde thüning bukkhüp mihtsürü bolung isa khümkhitpü püpü mung jih-a müla.”

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

EFISIA 4:32

tüsho Khrista ching Thrünpuhnü nüsa neak bahjihkhi nangde khülangnü khülang neak bahachihde, amuzho mulongnü khülangnü khülang muzhoachihang.

KOLOSI 1:14

api hode isa rhokhitkhi, neak bahjihkhi lah.

1 JOHAN 1:4

Tüsho isa asühkhi khiukdahde alapü thsüde isanü ha thrütchoh.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

1 JOHAN 1:9

Isanü isa neakbo thakhitsho, api ju thiyuro tüsho alungki lah, tüsho apinü isa neakbo bahjihde thiyuro-mülungkikhi alala chingnü isa müsühjihbah.

1 JOHAN 2:1

I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah;

1 JOHAN 2:21

Nüsanü thiyuro mümükheahkhinü yung, tüshe nüsanü ju mükheahkhinü tüsho akeangyu ju thiyuro yo yung de amükheahmonü inü nüsa kilim thrütchoh.

1 JOHAN 2:7

Amuzho müyamrübo, inü nüsa kilim thiyuzüng aso tümü müthrüt, tüshe atankih chingnü nüsa lakhi awün yuzüng ah; awün yuzüng ju nüsanü asokhi lah.