1 JOHAN 1:8 - AMÜSÜH HÜM CL Bible (BSI)

⁸ Isa neak müla de isanü thasho, isanü küdah thsüde mülapyukchoh, tüsho isa kheak thiyuro müla.

1 JOHAN 1:8 Iomraidhean Croise

1 KIULONG THSÜRÜ 8:46

“Arünü nü azhihde neak yihbeaksho–tümüde neak müyihbeakrü sheshe müla–tüsho arü kheak nü bukakhiukde thiriri kilim jihba, junangde arübo aramrü thsüde thiriri lomi ching limshu yungsho aphüni ching hande tsosho;

2 KIULONG THSÜRÜ 20:15

Apinü tha, “Arübonü nü yam ching tümü ngüde?” Hezekianü alo, “Arünü I yam ching lakhi alala ngüdo; inü I kukruk zopung-yam ching arü ki muhuhkhi tümü müla.”

2 KIUTHSÜYUKHEAN 6:36

“Arünü nü azhihde neak yihbeaksho–tümüde neak müyihbeakrü she müla–tüsho nünü arü kheak bukakhiuksho tüsho arü riri kilim jihsho, junangde arü limshu yungsho aphüni lomi ching aramrü thsüde hande yüsho;

JOB HU H T ANYU 14:4

Shepünü mümüsühkhi chingnü amüsüh kukruk yihkhitkhukla? She müla.

JOB HU H T ANYU 15:14

Api amüsüh lakhukpü thsüde mihtsürü ju tümü a? Tüsho api thiyuro lakhukpü thsüde aliberünü azübekhi ju she a?

JOB HU H T ANYU 25:4

Dale küde thsah mihtsürü khülang Thrünpuh miki thiyuro lakhukpü? Küde thsah aliberünü azübekhi tsangkhita lapü?

JOB HU H T ANYU 9:2

Ha dükdü ah de inü mükheahlah; tüshe Thrünpuh miki mihtsürü küde thsah thiyuro lapü?

MUNGSHIKHÜN 143:2

Nü yamlarü kheak mahkhappü ching düyüzah, tümüde nü miki rhangdung lakhi sheshe thiyuro-lungki müla.

MÜCHITMUDU 20:9

“ Inü I mulong müsühde kamshihdo, I neak chingnü I a tsangkhitlah” de shenü thakhukla?

T H S AN GYU T H S AN GR ARÜ 7:20

Tsükjide shahde neak müyihbeakde atsü rhimopü alomi kheak khide thiyuro larü müla.

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

ISAIA 64:6

Isa alala mümüsührü nangde kamdo, tüsho isa thiyurolungki rhimo alala amüneankhi khim nangde lah. Isa alala sangyü nangde kamshihchoh, tüsho isa amülimnü apung nangde isa yünde tsochoh.

JEREMIA 2:35

nünü thachoh, “ I amülim müla; tsükjide api bukakhiukkhi I kheaknü rholode tsodo.” Kheakü inü, “ Inü neak müyihbeak” de athamonü nü kilim mahkhap handarüchoh.

LEVI 13:12

Tüsho aphamnü küp mide, tukthsübuh ju aku chingnü amüphü khiungde misho,

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

ROMRÜ KILIM PAULNÜ ATHRÜTKHI KIHÜM HUHTANYU 3:10

Ha thrüta lah: “She thiyuro-lungki müla, sheshe müla;

ROMRÜ KILIM PAULNÜ ATHRÜTKHI KIHÜM HUHTANYU 3:23

tümütüsho alalanü neak yihbeakdo tüsho Thrünpuh müretahpü thamaa lah,

1 KORINT 3:18

Sheshe nihbuh küdah thsüde düthsungyukshih. Nüsa bolung khürünü ha lün ching api lümlung larü ah de lümsho, api makharü kamshang, junangde api lümlung larü kambah.

GALATIA 6:3

Tümüde khürünü tümü mülade api ju tümüanü ah de lümsho, apinü küdah thsüde mülapyukchoh.

1 TIMOTHI 6:5

tüsho thiyuro mülade tüsho akinkhi ju alarü kampü limro ah de alümkhi mihtsürü dükeak atsangachih akhiukshihchoh;

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

JAKOB 1:22

Tüshe thiyu yande arhimorü thsang, tüsho nüsa küdahnü mülapyukde asorü lang düthsü.

JAKOB 1:26

Khürünü api ju akin ching mulong jihlah de lümbah anihbuh mulo müdanyuksho, api küdah thsüde mülapyukchoh tüsho api kingaün ju akeangkeang.

JAKOB 3:2

Tümüde isa alalanü hihde lakmihchoh, tüsho mihtsürü khülang apinü athakhi ching mülakmihsho api athülünkhi mihtsürü, pang she abümnü adanyukpü kukkhi lah.

2 PETER 2:13

Arünü arhimokhi dün arü kilim athsümünimnü athrihlobah. Arü asüharapü lakhi ju arü pangnü akünkhi reangkeamshihpü animuro tümütümü she arhimopü lah.

1 JOHAN 1:10

Isanü neak müyihbeak de isanü thasho, isanü api ju akeangyu tharü kamshihchoh, tüsho api yu isa kheak müla.

1 JOHAN 1:6

Isa amiting ching tsahde labah isa api lung arihako lah de isanü thasho, isanü akeangyu thachoh tüsho thiyuro yande müla;

1 JOHAN 2:4

Shepünü “Inü api mükheahlah” de thabah api yuzüngbo maninü akeangyu tharü ah, tüsho thiyuro api kheak müla;

1 JOHAN 4:20

Khürünü, “Inü Thrünpuh muzholah,” de thabah api keoniorü thraneansho, api akeangyu tharü ah; tümüde shepünü apinü angükhi keoniorü mümuzhonü apinü amüngükhi Thrünpuh mümuzhokhuk.

2 JOHAN 1:2

isa kheak lakhi tüsho lünnü isa kheak lapü lakhi thiyuro dünkheaknü:

3 JOHAN 1:3

Nü thiyuro ching düküngde alakhi tüsho thiyuro ching mutukzhakde atsahkhi dünkheak keoniorübo khürünü arübah athakhi I khide asühdo.