1 JOHAN 1:7 - AMÜSÜH HÜM CL Bible (BSI)

⁷ tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

1 JOHAN 1:7 Iomraidhean Croise

MUNGSHIKHÜN 104:2

shepü khimmih nangde ayinnü phudola, shepünü zhindokhim nangde thüningbo thoshang,

MUNGSHIKHÜN 51:2

Inü alakmihkhibo müsüh-a bahjang, tüsho I neak chingnü I müsühjang.

MUNGSHIKHÜN 56:13

Tümüde nünü I me ashekhi chingnü, tüsho I jing alungkhi chingnü bekhit, junangde rhangdung ayinatrüm ching inü Thrünpuh miki tsahbah.

MUNGSHIKHÜN 89:15

Mihtsürü sherünü asühachih düsheak mükheahlanü müngühmühi! O Atungpuh , arünü nü bekhi ayin ching tsahchoh.

MUNGSHIKHÜN 97:11

Thiyuro-lungkirü kheak ayin tahchoh, tüsho mulong ching lungkirü kheak asühpü lah.

ISAIA 2:5

O Jakob yamkhün, arang, isanü Atungpuh ayin ching tsahanü!

ISAIA 33:24

Tüsho lomi ching larü shenü, “ I tukthsülah” de mütha; ju ching larü mihtsürübo arü mülimkhi neak bahjihbah.

ISAIA 6:7

Seraphnü I mün kheak junü qiu tüsho tha: “ Kheakü hanü nü münküpbo qiudo, nü mülimkhibo chamachihdo tüsho nü neak nankhita bahdo.”

AMOS 3:3

Mümüyüpachihde mahne rukhüh tsahcho de?

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

MATHI 6:12

isanü isa mahputungrü neak bahjihkhi nangde, isa mah she bahjang;

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 12:35

Jisunü arü ki tha, “Nüsa lung ayin ju anükhüh ruhde lah. Nüsanü ayin lachoki tsahang, jude yungsho amitingnü nüsa yanphuhbah; shepü amiting ching tsahchonü külim yüchonü mümükheah.

JOHAN 5:4

Tümüde kim kim ching yunirü khülang kedükim ching yüki tüsho ke ju abükshih; tüsho ke abük dunglim shepü akhuh yüzahbanü api tukthsü tümü lanü thsüngude la.

ROMRÜ KILIM PAULNÜ ATHRÜTKHI KIHÜM HUHTANYU 13:12

azhing tsodo, animung thünina lah. Jumonü isanü azhing rhimobo tukloanü tüsho ayin zülu yihanü;

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

EFISIA 5:8

tümüde nüsa khülangki amiting ching lakheah, tüshe kheakü nüsa Atungpuh lung ayin ching lah; ayin tsührübo nangde laang

1 TIMOTHI 6:16

api lang amüshebe tüsho mukhiungkhukbe ayin ching lah, shenü she müngü yungsho angüpü mukuk. Api kilim lünnü wüntre tüsho sühmüh lashang. Amen.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

1 PETER 1:19

tüshe lapha yungsho areak mükihkhi namfimihnunu nangde, Jisu shoto thiyih hode ah.

1 JOHAN 1:3

nüsanü isa lung arihakode alapü thsüde isanü angükhi tüsho asokhi nüsa ki she zhiyuk; tüsho isa arihako ju Abuh tüsho atsührü Jisu Khrista kheak lah.

1 JOHAN 1:5

Thrünpuh ju ayin tüsho api kheak amiting tümü mülade api kilimnü isanü asokhi thiyusheak ha lah tüsho isanü nüsa ki zhiyukchoh.

1 JOHAN 5:6

Jisu Khrista ha ke tüsho thiyih hode arükhi lah, ke hodü lang yung; tüshe ke tüsho thiyih hode ah.

1 JOHAN 5:8

Thiyumütsan mahsam lah, Me, ke, tüsho thiyih; tüsho harü mahsam arihlah.

2 JOHAN 1:4

Abuhnü isa ki thiyukhüm jihkhi nangde, nü tsührü khürü thiyuro ching yande ngübah I khide asühdo.

3 JOHAN 1:4

I tsührübonü thiyuro ching tsahkhi sokhi kheak hode asühpü atobe müla.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.