1 JOHAN 1:6 - AMÜSÜH HÜM CL Bible (BSI)

⁶ Isa amiting ching tsahde labah isa api lung arihako lah de isanü thasho, isanü akeangyu thachoh tüsho thiyuro yande müla;

1 JOHAN 1:6 Iomraidhean Croise

MUNGSHIKHÜN 82:5

Arünü mümükheah, yungsho arünü manikhit; arü amiting ching tsahchoh; alomi khimtanbo alala niukniuklah.

MUNGSHIKHÜN 94:20

Amülimkhi kiulongthsü-binkiu, küpünü yakzan hode amütsü asahchonü, nü lung arihako laba de?

MÜCHITMUDU 2:13

amiting limrobo ching tsahpü alungki limro bahkhirü kheaknü;

MATHI 7:22

Ju nimung ahihkhühnü I ki thabah, ‘Atungpuh, Atungpuh, isanü nü mung chingnü mümüchit de, nü mung chingnü amünean mebo müyankhit de, tüsho nü mung chingnü khinthiyinbebo ahihdo mürhimo de?’

JOHAN 11:10

Tüshe khürünü azhing ching tsahsho, api jing mükhechoh, tümütüsho api kheak ayin müla.”

JOHAN 12:35

Jisunü arü ki tha, “Nüsa lung ayin ju anükhüh ruhde lah. Nüsanü ayin lachoki tsahang, jude yungsho amitingnü nüsa yanphuhbah; shepü amiting ching tsahchonü külim yüchonü mümükheah.

JOHAN 12:46

I ju alomi ching ayinatrüm khülang nangde arü, junangde sherünü I kheak kinbanü amiting ching müla.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

JOHAN 8:55

Tütüshe nüsanü api mümükheah, tüshe inü api mükheahlah. Tüsho inü, ‘Inü api mümükheah,’ de thasho nüsa nangde I ju akeangyu tharü thsübah; inü api mükheahlah tüsho api yu zochoh.

1 TIMOTHI 4:2

Hadürü thsangyukhibo ju yinchi takmürümkhinü athsahkhi nangde arü lümkhibo shekhirü akeangyu tharü hode bushihchoh.

JAKOB 2:14

I keoniorübo, mihtsürü khülangnü api akin lah de thabah rhimobo mülasho, junü tümü alü thsücho? Api akinnü anihbuh khümkhitpü kukba de?

JAKOB 2:16

tüsho nüsa khülangnü arü pang thsungkheak yihnüpü lakhi kukruk müjihde arü ki, “Mungtsü chingnü yüang, lamlamang tüsho bukthsüang,” de thasho, ju tümü alü la?

JAKOB 2:18

Tüshe khürünü athabah, “Nü akin lah tüsho I a rhimobo lah.” Nü rhimobo mübede I ki nü akin huhang, tüsho I rhimobo hode inü nü ki I akin huhbah.

1 JOHAN 1:10

Isanü neak müyihbeak de isanü thasho, isanü api ju akeangyu tharü kamshihchoh, tüsho api yu isa kheak müla.

1 JOHAN 1:3

nüsanü isa lung arihakode alapü thsüde isanü angükhi tüsho asokhi nüsa ki she zhiyuk; tüsho isa arihako ju Abuh tüsho atsührü Jisu Khrista kheak lah.

1 JOHAN 1:8

Isa neak müla de isanü thasho, isanü küdah thsüde mülapyukchoh, tüsho isa kheak thiyuro müla.

1 JOHAN 2:4

Shepünü “Inü api mükheahlah” de thabah api yuzüngbo maninü akeangyu tharü ah, tüsho thiyuro api kheak müla;

1 JOHAN 4:20

Khürünü, “Inü Thrünpuh muzholah,” de thabah api keoniorü thraneansho, api akeangyu tharü ah; tümüde shepünü apinü angükhi keoniorü mümuzhonü apinü amüngükhi Thrünpuh mümuzhokhuk.