1 JOHAN 1:5 - AMÜSÜH HÜM CL Bible (BSI)

⁵ Thrünpuh ju ayin tüsho api kheak amiting tümü mülade api kilimnü isanü asokhi thiyusheak ha lah tüsho isanü nüsa ki zhiyukchoh.

1 JOHAN 1:5 Iomraidhean Croise

MUNGSHIKHÜN 139:12

atsütsü, nü kheak amiting müjik, tüshe azhingnü she animung nangde yinchoh; amiting tüsho ayin chido nü ki rukhüh ah.

MUNGSHIKHÜN 27:1

Atungpuh ju I tsün tüsho I akhümkhit; inü she trepü la? Atungpuh ju I rhangdung sühmüh ah; inü she trepü la?

MUNGSHIKHÜN 36:9

Tümüde nü kheak rhangdung ke bukpung lah; nü ayinatrüm ching isanü ayin ngüchoh.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

ISAIA 2:5

O Jakob yamkhün, arang, isanü Atungpuh ayin ching tsahanü!

ISAIA 60:19

Kheaküa animuro ani ju nü yo ayin müthsü yungsho azhing ching khinunü nü kilim ayin mütah; tüshe Atungpuh lang akheam mülakhi nü yo ayin labah, nü Thrünpuh ju nü müretahkhi labah.

DANIEL 2:22

Apinü asük tüsho rama lakhibo akhiuka huhchoh; apinü amiting ching tümü lanü mükheahlah, tüsho api lung ayin lah.

JOHAN 1:19

Kheakü ha Jirusalem ching Jihudarünü amükeamrübo le Levirübo ki api she a de akeopü thiyichoki Johan thiyumütsan lakheah.

JOHAN 1:4

Api kheak rhangdung lakheah, tüsho rhangdung ju mihtsürü ayin lakheah.

JOHAN 1:9

Thiyuro ayin ju mihtsürü aban kilim ayin jihkhi alomi ching arükheah.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

JOHAN 9:5

I alomi ching la khiungdüa, I alomi ayinatrüm.”

1 KORINT 11:23

Tümüde inü nüsa kilim jihkhi ju Atungpuh kilimnü leangkhi, junangde api yinatsühkhi tsüngre Atungpuh Jisunü yikhap lu,

1 TIMOTHI 6:16

api lang amüshebe tüsho mukhiungkhukbe ayin ching lah, shenü she müngü yungsho angüpü mukuk. Api kilim lünnü wüntre tüsho sühmüh lashang. Amen.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

1 JOHAN 3:11

Tümüde isanü khülangnü khülang muzhoachihbeah dükhi ha atankih chingnü nüsanü isa kheaknü asokhi thiyusheak lah,

AMIKHEAKAKHIUKKHI 21:23

Tüsho kiuto yinpü ani yungsho khinu yihnüpü müla, tümüde Thrünpuh müretahkhi ju ayin, tüsho Namfimihnunu ju tsün ah.

AMIKHEAKAKHIUKKHI 22:5

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.