Yohannis 1:12 - Gaddo Teyya

¹² Sinuntano ephpheteesere sunbaasik amanefe baasso zuuttere Ha'oni naanggota sinonek mabti imi.

ጋዶ ቴያ

¹² ስኑንታኖ ኤጴቴሴሬ ሱንባሲክ አማነፌ ባሶ ዙቴሬ ሀኦኒ ናንጎታ ስኖነክ ማብት ባሶክ እምቴ።

Yohannis 1:12 Iomraidhean Croise

Matewos 10:40

Nittotin ephphe tee bar taan dey ephphetoona. Taan ephphete bar taan wosi Abaasin dey ephphetoona.

Matewos 12:21

Aazabni meya basa sunaasiktu abdi zagsone.

Matewos 18:5

Esiisimato haniisne fe daaga nawaason ta sunaasik ephpheteefe bar taan ephphetoona.»

Yohannis 1:11

Basa keen sina baassoki ye; sinuntano baasso barin aane ephphetoosoto.

Yohannis 1:7

Zuuttambesiise barki kamo amanosonek bar chaarefaasi chowanon zaala makonaktu ye.

Yohannis 11:52

Yesus daraasa teetak kitunaas Ayhudni daranik koi'ba sinnoynamato Ha'oosik amanera daadaassi siktera faase naanggotaason dey isarik zuutunakwa.

Yohannis 2:23

Yesus faasikani heeboosi wono Yerusalemuk zagina biistera artonoy wuzason biyete boor'a showo asuni meya barik amanesete.

Yohannis 20:31

Sinuntano Yesus bar Kiristoos Ha'oosi Naa sinbaason amanotiknawa amanera dey basa sunaasik koi'ba foonto kaa danatiknatu han bar tichchewa.

Yohannis 3:18

Barik amanefe basaasta mangsu aafa katona wuza. Sinuntano amanonoy bar isa Ha'oosi naa bar barik amano beyna boor'a mangsu basaasta katewa.

ዎስኒ ሜያ 3:16

Han biifeti asusinnawa arifeti asusinna farire chima dannaas Yesusni sunaasik beste amantoosikwa. Yesusnik amanobaasik zuuttamnitiise asi sina tuuma faru daniwa.

Roome 8:14

Ha'oosi Ayyanak zoonustefe baasso zuuttere Ha'oosi naanggotawa.

Roome 8:16

Ha'oosi Ayyana inno ayyanaasneen ane sinna Ha'oosi naanggota sinniison innok zaala makefawa.

Roome 8:19

Testo zuuttera Ha'oosi naanggotni ammanon kesse bestooson akama kaltanaktu oodtifawa.

Galatiya 3:26

Kiristoos Yesusnik amanok nitto zuuttamnitiise Ha'oni naanggotawa.

Galatiya 4:6

Ha'oni naanggota sinniisik Ha'ooson «Aabba! Aabba!» yit teegefa Nawubaasa Ayyananon inno nibaassi wosi.

Qolasiyas 2:6

Daam Yesus Kiristoosnin ephpha taasetimato dey barneen ane isarik foosoti.

2 ጴጥሮስ 1:4

Ulfinbaasiknawa garambaasik ulfinto waagba faana akama inya sina abdiison danni. Es barki kamo mangu safaraastan kabi chowa han daasta fa mangu eenantoossin kessa Ha'oosi haalanon haa'er sinetiwa.

1 ዮሀኒስ 3:1

Ha'oosi naanggota yistera teegtonik Aba Ha'oos awune fa keeshtanbaason innok imnamato biitwa! Futoosik inno Ha'oni naanggotawa; han daas Ha'ooson aru beyna boor'a innotin dey aafawa aruna wuza.

1 ዮሀኒስ 3:10

Ha'oosi naanggotaasewa Dabulosni naanggotaase oor kessa artefanaas es barikwa; ooko wuzason zagunoy barnawa aybaasin shunnoy barna zuuttere Ha'oni naatewa.

1 ዮሀኒስ 3:2

Inno meyane! Hash inno Ha'oosi naanggotawa; hanneen awu sinanimato hashnu aane artowawa; Sinuntano Kiristoos ammanon wolle yoona wono futoni gitobaason biyanir sinna boor'a barne feer sinanimato arifeniwa.

1 ዮሀኒስ 3:23

Ha'oosi ajaji Naaba Yesus Kiristoosni sunaasik amanoniknawa Kiristoos innotin ajajenaasimato innotna innotna keeshtoniknawa.