ዮሀኒስኒ ራእ 7:11 - Gaddo Teyya

¹¹ Ha'oosi wosiyanikito zuuttera zigimoostanawa kur'uni meeni biratoostana dey acheech kaabarere wuzaasikitoni biratotana yersefar; zigimoosi sinta sinbesiisik kaa'nesere Ha'oosik sagadesete.

ጋዶ ቴያ

¹¹ ሀኦሲ ዎሲያኒክቶ ዙቴራ ዝግሞስታናዋ ኩርኡኒ ሜኒ ብራቶስታና ደይ አቼች ካባሬሬ ዉዛሲክቶኒ ብራቶታና የርሴፋር፤ ዝግሞሲ ስንታ ስንቤሲሲክ ሀኦሲክ ሳጋደሴቴ።

ዮሀኒስኒ ራእ 7:11 Iomraidhean Croise

Matewos 4:10

Es kabaasik Yesus: «Hantan kes! Ne Sexana; ‹Daama Ha'oneesik kaa'no. Bar baron shiipho› yistera tichchewa» yi.

Ibrawiyan 1:6

Ha'oos uuzza Nawubaasin han daasta wosifana kabaasik; «Ha'oosi wosiya zuuttera; barik sagadona» yifawa.

ዮሀኒስኒ ራእ 11:16

Ha'oosi sina zigimobesisikitota di hepasire acheechche kur'uni meya dey sinbesiisik gandesere Ha'oosik sagadesete.

ዮሀኒስኒ ራእ 15:4

Daamiiso! Neen digonor; sunneeson dey ulfinsunor oonso? Ne netu kortowa; futoni mangsuni kar'nees ammanon kessa bestena boor'a; daraas zuuttere yeere neeki sina sagadosonewa» yit gaamet feeseter.

ዮሀኒስኒ ራእ 22:9

Sinuntano Ha'oosi wosiya: «Beywa; han baron zagutaatawa! Ta neeneennawa ayneesakitoneenna dey raajjuni meyaneen ane han matsafaasi kaamanon zagsefe asuni meyaneen ane wostinynyawa; Ha'oosik sagadowa!» yi.

ዮሀኒስኒ ራእ 4:10

Hepasire acheechche kur'uni meya koi'baneen koi'ba foontonon fooni barik; zigimoosta di basa sina sinbesiisik sagadosone; akililibesiison dey zigimoosi sina kunsaat:

ዮሀኒስኒ ራእ 4:4

Esiisimato zigimoosi biratota hepasire acheechche zigimo diisefar; es zigimoosikitota foro maama mayere teetbesiista dey warqeni akliili guufse hepasire acheechche kur'uni meya diisefer.

ዮሀኒስኒ ራእ 4:6

Zigimoosi sinta woshshifa palpalu inkaline fa baari faar; zigimoosi ganetanawa biratobaastana; sinaknawa orfokna showo aafba faana acheech kaabarere wuza faaser.

ዮሀኒስኒ ራእ 4:8

Kaabarere wuzaasikito acheechobaase isarba isarbaas issun kosoba faanar; gerakalosewa sikalobaassina aafak tuumma faar; waalaknawa wonakna: «Korto, korto, korto; Zuuttambaase asin chimfa Daama Ha'o; fayiis faabarewa yooni bare» uustan aane yeetisefa.