ዮሀኒስኒ ራእ 5:12 - Gaddo Teyya

¹² Akama kaamak: «Shukte fantuus; Hugna, otma, techma, chima; arkitto, ulfinnewa galatne; ephphatoonak sholsuwa» yisete.

ጋዶ ቴያ

¹² አካማ ካማክ፦ «ሹክቴ ፋንቱስ፤ ሁግና፥ ኦትማ፥ ቴችማ፥ ችማ፤ አሪክቶ፥ ኡልፍነዋ ጋላትነ፤ ኤጳቶናክ ሾልሱዋ» ይሴቴ።

ዮሀኒስኒ ራእ 5:12 Iomraidhean Croise

Matewos 28:18

Yesus baassoki tai'sere: «Samaknawa han daastakna ha'suni hugna zuuttera taak imtewa;

Yohannis 1:29

Wonotirik Yesus Yohannisniki yeefeen biyaat ekka yi: «Ese han daasta fe asusa boor'anon baassostan tishkuni Ha'oni fantu

Yohannis 17:2

Esiis dey asu zuuttambaase asiista ha'suni hugna imta boor'a barik imta baasso zuuttambesiise asik koi'ba foonto kaa imanak barin ulfinsutawa.

2 ቆሮንጦስ 8:9

Nitto Daamni Yesus Kiristoosni otmaason arsetirwa. Bar awune faaron otum sinfenak basa tukam sinaasik nitto otum sinatik bar nittok iyaatwa tukam sini.

1 ጢሞትዮስ 1:17

Es bari boor'a koi'ba foonto taato; kitunoy barik, biistonoy barik; isa Ha'oosik ulfinnewa galatne hawungneen kabira hamma koi'ba foontonon sinfawungwa! Aamin.

ዮሀኒስኒ ራእ 1:6

Yesus Kiristoosni aba Ha'oosik wostinynya sinanik innotin taatosi maagni meya zagi Yesus Kiristoosnik koi'ba foontonon ulfinnewa hugnane barik sinfawung! Aamin!.

ዮሀኒስኒ ራእ 13:8

Han daas testena wononeen kabira sunbesiis shukte fantuusa kaani matsafaassi tichchonoyna han daasta fe asuni meya zuuttere gonyoosik sagadosone.

ዮሀኒስኒ ራእ 15:3

Ha'oosi wostinynya sina Museni gaamaasonnawa fantuusa gaamanonna: «Zuuttambaase asin chimfa Daama Ha'oose! Wostonees akama dey diinqiwe; Darani meeni taatono! Ugunnees likki dey futo;

ዮሀኒስኒ ራእ 19:1

Esseen orfo ekka yifa showo asuni kaamane fa tega kaama saman: «Haleluya! Fatunewa ulfinne dey hugnane Ha'oniisirwa!

ዮሀኒስኒ ራእ 4:11

«Daamniisnawa Ha'oniise; zuuttambaase asin tesita boor'a; zuuttambaase testenaasewa kaa dannaase; dey ne fiqadik sinna boor'a arkitto; ulfinnewa hugnane ephphatootak neek sholsirwa» yit feeseter.

ዮሀኒስኒ ራእ 5:13

Den samaknawa han daastakna; daasi sikalosinawa baariissina fa testoos zuuttera: «Zigimoosta di bariknawa fantuusikna galata, arkitto, ulfinnewa hugnane; koi'baneen koi'ba foontonon sinun» yisefeen oden.

ዮሀኒስኒ ራእ 5:6

Esseen orfo zigimoostanawa acheech kaabarere wuzaasikitoni ganeyaassi dey kur'uni meeni ganeyasi dey shukto fantune feer yerefeen biin; es fantuus naafun kalabanawa naafun aafbana faar; es barikito daa zuuttambaase asiista wostera hama Ha'oni naafun ayyanaasikitowa.

ዮሀኒስኒ ራእ 5:8

Birannani birto matsafaason ephfena kabaasik acheech kaabarere wuzaasikitonewa hepasire acheechche kur'uni meena fantuusa sina sinbesiisik gandesete; isarbesi isarbesiis kushubesiissi kama ephere feeseter; esiisimato kortoni meeni shiipho sina ixana kiichchefana warqeni kirqiddaason ephere feeseter.

ዮሀኒስኒ ራእ 5:9

Ora gaamak ekka yit gaamesete: «Harinneesik asteseriisikitosin; wolumtefa noonosikitosin; keena keenaassin, dara daraasasin; asuni meyanon Ha'oosik furotak ne shukteta boor'a; Birannani birto matsafaason ephataknawa; Maatamaasikitonon gachatakna sholsinar sintiwa.

ዮሀኒስኒ ራእ 6:1

Esseen orfo fantuus naafun maatamaasikitosin tesuni baron gachchefeen biin; acheech kaabarere wuzaasikitosin isaas dedoni kaamane fa kaamak: «Yowa» yifeen oden.

ዮሀኒስኒ ራእ 7:12

Dey: «Aamin! qaphsu, arkitto, techma; galata, ulfina, hugnanewa chimne; koi'baneen koi'ba foontonon; Ha'oniisik sinun. Aamin!»