ዮሀኒስኒ ራእ 4:2 - Gaddo Teyya

² Geregere ayyanak tuumin; samaastak dey zigimo biin; es zigimoosta dey isar diifen biin.

ጋዶ ቴያ

² ጌሬጌሬ አያናክ ቱሚን፤ ሳማስታክ ደይ ዝግሞ ቢን፤ ኤስ ዝግሞስታ ደይ እሳር ዲፌን ቢን።

ዮሀኒስኒ ራእ 4:2 Iomraidhean Croise

Matewos 22:43

Yesus ekka yi: «Eekin Dawit Ha'oni Ayyanak tuumme aakkak ‹Daamta› yire teegeso?

Ibrawiyan 8:1

Ese wolloni wuzaasikitosin arkiis haniiswa: Samak zuuttambaase asiistan denalo sina Ha'oosi zigimuni hoi'ta teshaasta di effetena maagni gaanynye meeni gaanynyani innok feerwa.

ዮሀኒስኒ ራእ 1:10

Daamiisa wonak ayyanak tuumma faana markatani kaamane fa akama kaama orfonaasta:

ዮሀኒስኒ ራእ 12:5

Asus dey daraasin zuutire bittani haarok ha'suni arqa naanin kophe; sinuntano naabaas den Ha'ooskinawa zigimooskina oodtere hami.

ዮሀኒስኒ ራእ 17:3

Esseen orfo Ha'oosi wosiya ayyanak zaboossi taan ephpha hami; atuba zuuttera mei'ni suna tichchena naafun teetbarewa asir kalaba faana she'a gonyoosta di isa mashkasu biin.

ዮሀኒስኒ ራእ 19:4

Hepasire acheechche kur'uni meenawa acheech kaabarere wuzaasikitone zigimobaasta di Ha'oosik sinbesiisik gandesere: «Aamin; Haleluya!» yiset sagadesete.

ዮሀኒስኒ ራእ 20:11

Esseen orfo akama foro zigimonewa es zigimoosta di barinna biin; daasewa samaase basa sinaastan shaate; isa dimanu baassok aane bestowa.

ዮሀኒስኒ ራእ 21:10

Ayyanak taan isa inya dicha aamaasta ephpha taamma korto katama Yerusalem samaki Ha'ooskin kerefeen besi.

ዮሀኒስኒ ራእ 21:5

Zigimobaasta di bar dey: «Ese! Ta zuuttambaase aisn gaddo zaguna!» yi. Estan dey: «Han kaamaas amanamto dey futo sinna boor'a tichuwa» yi.

ዮሀኒስኒ ራእ 3:21

Ta neebera merera abataasneen ane zigimoosta diinaasimato dey neebere meroni bar taneen ane zigimonaasta duunak zaguna.

ዮሀኒስኒ ራእ 4:10

Hepasire acheechche kur'uni meya koi'baneen koi'ba foontonon fooni barik; zigimoosta di basa sina sinbesiisik sagadosone; akililibesiison dey zigimoosi sina kunsaat:

ዮሀኒስኒ ራእ 4:5

Es zigimoossin kawunaneen dedoni kaamanen kesdifar; zigimoosi sinta saamet di naafun tona faaser; es barikito dey Ha'oosi ayyananikitowa.

ዮሀኒስኒ ራእ 4:9

Es kaabarere wuzaasikito zigimoosta di bariknawa koi'baneen koi'ba foontonon fooni barikna arkitto, ulfinnewa, galatne imesefe kabaasik:

ዮሀኒስኒ ራእ 5:1

Zigimoosta di basa hoi'ta kushuussi siruknawa tukakna tichcho naafun maatamak kulufto birannani birto matsafa biin.

ዮሀኒስኒ ራእ 5:13

Den samaknawa han daastakna; daasi sikalosinawa baariissina fa testoos zuuttera: «Zigimoosta di bariknawa fantuusikna galata, arkitto, ulfinnewa hugnane; koi'baneen koi'ba foontonon sinun» yisefeen oden.

ዮሀኒስኒ ራእ 6:16

Aamaasewa kaa'oose asin «innotin yinu! Zigimoosta di basa sinan; dey fantuusa gi'sin innotin aachutiwe!