ዮሀኒስኒ ራእ 4:11 - Gaddo Teyya

¹¹ «Daamniisnawa Ha'oniise; zuuttambaase asin tesita boor'a; zuuttambaase testenaasewa kaa dannaase; dey ne fiqadik sinna boor'a arkitto; ulfinnewa hugnane ephphatootak neek sholsirwa» yit feeseter.

ጋዶ ቴያ

¹¹ «ዳምኒስናዋ ሀኦኒሴ፤ ዙታምባሴ አሲን ቴስታ ቦርአ፤ ዙታምባሴ ቴስቴናሴዋ ካ ዳንናሴ፤ ደይ ነ ፍቃድክ ስንና ቦርአ አሪክቶ፤ ኡልፍነዋ ሁግናነ ኤጳቶታክ ኔክ ሾልሲርዋ» ይት ፌሴቴር።

ዮሀኒስኒ ራእ 4:11 Iomraidhean Croise

ዎስኒ ሜያ 14:15

«Nitto han baron awagan ekka zagidifetirinso? Inno nittone fe asuwa. Nitto han foonto wuzaassin kessa samaason, daason, akasewa sir kuni testooson zuutira tesi hayewa Ha'ooski wolutik kaambaason nittok makefeniwa.

ዎስኒ ሜያ 17:24

Es bar han daasewa han daasta fa testo zuuttambaase asin zuutira tesiis samaasewa daase asi Daamawa. Bar asuni kushu keer'na betemeqdesiisi aane faafawa.

Roome 11:36

Zuuttambaase yaanaas barkin, Barki kamonawa bariknawa. Koi'ba foontonon ulfina barik sinfawungwa; aamin!

Efeson 3:9

Esiisimato dey aata neyaasik zuuttambaase asin tesi Ha'ooskik aachera fa aacho Ha'oosi koppo awu sinnamato asu zuuttambaase asik ammanon kisira makonakwa.

Ibrawiyan 1:10

Esiisimato dey: «Daamiiso! Ne zeemma daason tesitwa; samaasikito dey kushuneesi wostowa.

Ibrawiyan 1:2

Sinuntano hash orfoti neyaassi zuuttambaase asin warasonir zagina nawubaaski kamo innok make. Han daason dey zuuttambaase asin tesinaas barikwa.

ዮሀኒስኒ ራእ 1:6

Yesus Kiristoosni aba Ha'oosik wostinynya sinanik innotin taatosi maagni meya zagi Yesus Kiristoosnik koi'ba foontonon ulfinnewa hugnane barik sinfawung! Aamin!.

ዮሀኒስኒ ራእ 10:6

koi'baneen koi'ba foontonon faafa; samaasonnawa barissi faase wuzasikitononna; daasonnawa barissi faase wuzasikitononna; baariisonnawa barissi faase wuzasikitononna tesi Ha'oosi sunak teyira: «Hanneen ekalo aafa wokana wuza!

ዮሀኒስኒ ራእ 14:7

Tega kaamak: «Ha'ooson digoti! Baron ulfinsuti! Bar mangsu kar'ana sa'atiis kar'i. Samaasonnawa daasonna; baariisonna akaasi kor'anonna tesi Ha'oosik sagadoti» yi.

ዮሀኒስኒ ራእ 19:1

Esseen orfo ekka yifa showo asuni kaamane fa tega kaama saman: «Haleluya! Fatunewa ulfinne dey hugnane Ha'oniisirwa!

ዮሀኒስኒ ራእ 5:12

Akama kaamak: «Shukte fantuus; Hugna, otma, techma, chima; arkitto, ulfinnewa galatne; ephphatoonak sholsuwa» yisete.

ዮሀኒስኒ ራእ 5:2

Isa hugnaba faana Ha'oosi wosiya akama kaamak: «Maatamaason gachanaknawa birannani birto matsafaason wowanakna sholsinaas oonso?» yit awasifen biin.

ዮሀኒስኒ ራእ 5:9

Ora gaamak ekka yit gaamesete: «Harinneesik asteseriisikitosin; wolumtefa noonosikitosin; keena keenaassin, dara daraasasin; asuni meyanon Ha'oosik furotak ne shukteta boor'a; Birannani birto matsafaason ephataknawa; Maatamaasikitonon gachatakna sholsinar sintiwa.