ዮሀኒስኒ ራእ 3:7 - Gaddo Teyya

⁷ «Filadelfiyaki betekiristanini Ha'oosi wosiyak ekka yira tichuwa: Han Korto sina barkinnawa futo sina barkinna; Dawitni keyaasi gachonon kushubaassi epha barkin makter; bar gachna baron oonu aafa kulfuna wuza; bar kulfina baron oonu aafa gachana wuza.

ጋዶ ቴያ

⁷ «ፍላደልፍያኪ ቤቴክርስታኒን ሀኦሲ ዎሲያክ ኤካ ይራ ትቹዋ፦ ሀን ኮርቶ ስንና ባርኪንናዋ ፉቶ ስንና ባርኪንና፤ ዳዊትኒ ኬያሲ ጋቾኖን ኩሹባስሲ ኤጳ ባርኪን ማክቴር፤ ባር ጋችና ባሮን ኦኑ ኣፋ ኩልፉናዉዛ፤ ባር ኩልፍና ባሮን ኦኑ ኣፋ ጋቻናዉዛ።

ዮሀኒስኒ ራእ 3:7 Iomraidhean Croise

Matewos 16:19

Samaki taatosi gachosikitonon neek imanawa. Ne han daastak taar'ta bar den samak taatotu sinana. Han daastak kotta bar den samak kottotu sinana.»

Matewos 24:35

Samaasewa daase aatana; sinuntano kaamnaasikito isanne aafa aatana wuza.»

Marqos 1:24

«Naaziretki Yesusno! Inno neneen awuni isarni faarinso? Innotin tishkutak yaataroso? Oo sintamato ta arifawungwa. Ne Ha'oosi Kortowa!»

Luqas 1:32

Bar dey akamtu sinana. Zuuttambaase asiistan denalo sina Ha'oni Naa yisteretu teegtona. Daama Ha'oos ababa Dawitni zigimooson barik imnir.

Luqas 4:34

«Naaziretki Yesusno! Inno neneen ane awuni isarni faarinso? innoti tishkutak yaataroso? Ne oo sintamato ta arifawungwa; Ne Ha'oosi Kortowa!».

Yohannis 14:6

Yesus dey Tomasnik: «Abaaski zoonsuni ugunnewa futone dey kaane tawa. Taaki kamo sina shakaanane oonu Abaaski hamnir aafewa.

ዎስኒ ሜያ 3:14

Nitto Kortoosinnawa ookoosinna: ‹Aane sholefeni› yisefaat kaa wori barin kotanak shiiphseti.

1 ዮሀኒስ 5:20

Ha'oni Naa yeenamatonawa futoni Ha'ooson arunik yaadatoni niba innok imtenamatona arifeniwa. Inno futoni Ha'oosneennawa Nawuba Yesus Kiristoosneenna isarni faarwa. Yesus Kiristoos futoni Ha'o dey koi'ba foonto kaawa.

ዮሀኒስኒ ራእ 1:11

«Biita baron matsafata tichira naafun betekiristaniisikitok esiis dey Efesonik, Semernesik, Pergamonik, Tiyatironik, Serdesik, Filadelfiyaknawa Lodoqiyakna wosuwa» yifeen oden.

ዮሀኒስኒ ራእ 1:18

Ta hayewwa; zeemo kitin; sinuntano koi'ba foontonon ta hayewwa; kituustanawa ke'oni dimaastana ha'suni hugnana faar.

ዮሀኒስኒ ራእ 15:3

Ha'oosi wostinynya sina Museni gaamaasonnawa fantuusa gaamanonna: «Zuuttambaase asin chimfa Daama Ha'oose! Wostonees akama dey diinqiwe; Darani meeni taatono! Ugunnees likki dey futo;

ዮሀኒስኒ ራእ 16:7

Shoo'aasta: «Aa! Zuuttambaase asin chimfa Daama Ha'oose! Mangsuni kar'nees futo dey likki» yifa kaama oden.

ዮሀኒስኒ ራእ 19:11

Esseen orfo sama gachchen biin; estan foro faza dey biin; fazaasta di bar amanamtonawa futona yisteretu teegtefe; bar likkik mangsu kar'ar dey neeber.

ዮሀኒስኒ ራእ 19:2

Mangsuni kar'baas futo dey likkiwa; daason gerkesbaasik kiinsi arki gerkesfa baron mangsu kar'a ke'i. Baron ke'uk wostinynyani meeni hannaasi gumanon kaaste» yifeen oden.

ዮሀኒስኒ ራእ 2:1

Efesonki betekiristanini Ha'oosi wosiyak ekka yira wosuwa: «Han naafun baakuraasikitonon hoi'ta kushubaassi epha barkinnawa warqeni meqireziisikitoni ganeyaassi kutife barkinna makte wosiya.

ዮሀኒስኒ ራእ 21:5

Zigimobaasta di bar dey: «Ese! Ta zuuttambaase aisn gaddo zaguna!» yi. Estan dey: «Han kaamaas amanamto dey futo sinna boor'a tichuwa» yi.

ዮሀኒስኒ ራእ 3:14

«Lodoqiyaki betekiristanini Ha'oosi wosiyak ekka yira tichuwa: Han aamin sina amanamto dey futo zaal sina barkin; Ha'oos tesina testoos zuuttambaase barki kamo bestena barkin makter.

ዮሀኒስኒ ራእ 4:8

Kaabarere wuzaasikito acheechobaase isarba isarbaas issun kosoba faanar; gerakalosewa sikalobaassina aafak tuumma faar; waalaknawa wonakna: «Korto, korto, korto; Zuuttambaase asin chimfa Daama Ha'o; fayiis faabarewa yooni bare» uustan aane yeetisefa.

ዮሀኒስኒ ራእ 5:9

Ora gaamak ekka yit gaamesete: «Harinneesik asteseriisikitosin; wolumtefa noonosikitosin; keena keenaassin, dara daraasasin; asuni meyanon Ha'oosik furotak ne shukteta boor'a; Birannani birto matsafaason ephataknawa; Maatamaasikitonon gachatakna sholsinar sintiwa.

ዮሀኒስኒ ራእ 6:10

Baasso akama kaamak: «Korto dey futo; zuuttambaase asi denalo sina Ha'oose; han daasta fe asuni meyaasta mangsu kar'a beyataysewa harinniisi chowak kowa kaasto beyatayse aageneeninse!» yit chaagesete.