ዮሀኒስኒ ራእ 3:15 - Gaddo Teyya

¹⁵ Wostoneeson arifawungwa; koocho wedey kiichu aane sine; Koocho wedey kiichu sinit sinfaanane ma'ar sinana kaba.

ጋዶ ቴያ

¹⁵ ዎስቶኔሶን አሪፋውጙዋ፤ ኮቾ ወደይ ኪቹ ኣነ ስነ፤ ኮቾ ወደይ ኪቹ ስኒት ስንፋናነ ማአሪ ስንናና ካባዋ።

ዮሀኒስኒ ራእ 3:15 Iomraidhean Croise

Matewos 10:37

Tayistan denalo ababaasin wedey intobaason shunfe bar taar sinanak aane sholsifawa. Tayistan denalo arqa naabaasin wedey mashka nawubaason shunfe bar taar sinanak aane sholsifawa.

Matewos 24:12

Manguusi aatamtan kabi chowa showoni meeni keeshtanaas koochona.

Matewos 6:24

«Isa asu hep daamnik wostinynya sinanak aafa chimanawuza. Isaasin oomtefaat hepsaasin shunar sinana wedey isaasin ulfinsaat hepsaasin kashshuna. Esiisimato isa asu Ha'oknawa waagakna wostinynya sinanak aafa chima wuza.

Roome 12:11

Hopunoy guzu Ayyanaasik zoonustera Daamiisik wostotiwa.

1 ቆሮንጦስ 16:22

Daamiisin shunnor feefaanane erwutter sinowa! Daamniiso! Yowa!

2 ቆሮንጦስ 12:20

Ta nittoki yaafana kabaasik awuzakne nitto taak sinatik sholefanaaysimato sinnoytiron, Ta dey nitto sholefetiiysimato sinnoynaron uphonitto iyaat digefawungwa, Esiisimato nittokik faasso, koona, gi'a, manguk kabu, asuni sunni mangsu, asunin hamato, beegantonewa sasne foonitto iyaat digefawungwa.

Filiphisiyus 1:9

Keeshtannitiis aruknawa yaadatakna tuuma sinna dichet hamanak shiiphefawungwa.

2 ቴሴሎንቄ 1:3

Ayni meyane! Amantontiis wonna wonna dichet hambaasiknawa nittotna nittotna asi keeshtanaas dey daysit hamdifar sinna boor'ana Ha'ooson mai'sira galattonik sholsuwa.

1 ጴጥሮስ 1:22

Amanynyi meyak keeshtannitiis kayma keenak sinanak futoosik ajajamok kaantiison kaynitiwa. Es bari boor'a nittotna nittotna zaggira nibnitiissin keeshtosotiwa.

ዮሀኒስኒ ራእ 2:2

Wostoneeson; kaboneesonnawa fakineesonna arifawungwa; dey manguni meyanon beleshki biira aane beye; wosini meya sinnoy inno wosi yisefe baassotin tu'nira eshinynya sineten dantamato arifawungwa.

ዮሀኒስኒ ራእ 2:4

Sinuntano ta neen isa wee'ona wuza faarwa; esiis dey zeemoti keeshtanneeson beyitwa.

ዮሀኒስኒ ራእ 3:1

«Serdeski betekiristanini Ha'oosi wosiyak ekka yira tichuwa: Han Ha'oosi naafun ayyanaasikitononnawa naafun baakuraasikitononna kushubaassi epha barkin makter. Wostoneeson arifan; sunak ne hayew; sinuntano kitit.

ዮሀኒስኒ ራእ 3:16

Koocho wedey kiichu sina beyfaat bor'a sinta boor'a noononaassin kisira tujonarwa.