ዮሀኒስኒ ራእ 22:16 - Gaddo Teyya

¹⁶ «Ta Yesus han zaalaason imanak Ha'oosi wosiyanon showo betekiristaniissi wosin; ta Dawitni koontoni tuznewa zalnewa; dey chaarsife wonni maskoos tawa.»

ጋዶ ቴያ

¹⁶ «ታ የሱስ ሀን ዛላሶን እማናክ ሀኦሲ ዎሲያኖን ሾዎ ቤቴክርስታኒሲክ ዎስን፤ ታ ዳዊትኒ ኮንቶኒ ቱዝነዋ ዛልነዋ፤ ደይ ቻርሲፌ ዎን ኒ ማስኮስ ታዋ።»

ዮሀኒስኒ ራእ 22:16 Iomraidhean Croise

Matewos 1:1

Dawitni zalaassin; Abrahamni zalaassin koonte Yesus Kiristoosni koontoni tuzaas haniiswa:

Matewos 2:2

Ekka yit mamussete: «Koonte Ayhudni taatoski ayinso? Baakuraason awukesan biyaat barik kaa'nonik yaaniwa» yisete.

Matewos 22:42

«Kiristoosni chowaas nittok awu sinna bestefaso? Bar ooni naaso?» Baasso dey wolgire: «Dawitni naawa» yisete.

Matewos 22:45

«Dawit teetbaasik: ‹Daamta› yire teegenanneen eekin Kiristoos aakkak nawuba sinnirinso?» yi.

Luqas 1:78

Ha'oniis fakirnawa kenashterna; sinbaasik faruni chaarefa denun innok chaaronak zaguna.

Luqas 20:44

«Ese Dawit Daam yire teegenanneen aakkak Kiristoos nawuba sinnirinso?»

Roome 15:12

Esiisimato dey raajju Isayyas dey: «Isseyni zalaassin koontonir yoona; Aazabni meeni zoonsi sinanak kabuna; baasso dey abdibesiison basaasta zagsone» yifawa.

Roome 9:5

Baasso koontobesiisik asteserni abani meyakin yeeseterwa. Kiristoos dey ashak yeenaas baasso zalaassinwa. Bar zuuttambaase asi denalowa; Koi'ba foontonon dey suusto Ha'owa; Aamin!

2 ጴጥሮስ 1:19

Es barikito zuuttambaase raajjuni meya makesete bar futo sinnamato artewa. Es bari boor'a talmaas wonanakfana kabaasiknawa wonni masko nitto nibaassi chaarona kabaneen talmaassi fa tonaas tishunoynamato oodtefanasimato nitto dey han kaamaason oodfaatine ma'aron zagitiwa.

ዮሀኒስኒ ራእ 1:1

Han raa'iis ta'a wonaassi sinni chowaason wostinynyabaasakitonik besunak Ha'oos Yesus Kiristoosnik imnarwa; Yesus Kiristoos dey basa wosiyaason wosire Ha'oosi wostinynya sina Yohannisnik ammanon kisire besi.

ዮሀኒስኒ ራእ 1:11

«Biita baron matsafata tichira naafun betekiristaniisikitok esiis dey Efesonik, Semernesik, Pergamonik, Tiyatironik, Serdesik, Filadelfiyaknawa Lodoqiyakna wosuwa» yifeen oden.

ዮሀኒስኒ ራእ 1:4

Yohannisnikin Iisiyaki naafun betekiristaniisikitok; zeemme feyiskin; fe barkinnawa; yooni Ha'ooskin; zigimoosi sina faase naafun Ayyanaasikitokin; esiisimato dey kitun kabubaasik uzun sina han daasi taatoni meeni ha'sinynya; amanamto zaal; innotin shunne harinbaasik boor'niissin birmadumma kisi Yesus Kiristoosni otmaasewa nagaase nittok sinfawung.

ዮሀኒስኒ ራእ 2:11

«Ayyanaas betekiristaniisikitok makefana baron odoba feena bar odowowa! Neebere meroni bar hepsani kituusik aafa miir'amona wuza.

ዮሀኒስኒ ራእ 2:17

«Ayyanaas betekiristaniisikitok makefana baron odoba feena bar odowo; neebere meroni barik aachera fa mannaason imana; gaddo suna barista tichchena foro shu'a dey barik imana; es baron aruniis ephni barteno oom oonu aafe.

ዮሀኒስኒ ራእ 2:7

«Ayyana betekiristaniisikitok makefana baron odoba feenay odowowa! ‹Neebere meroni barik Ha'oosi gennetiissi fa kaani i'oosi gaananon muunak zaguna.›

ዮሀኒስኒ ራእ 22:1

Esseen orfo Ha'oosi wosiya Ha'ooskinnawa fantuusa zigimukinna kesfa woshshu burchuqone fa kaani wor'a akaason taak besi.

ዮሀኒስኒ ራእ 22:11

Hanneen ekalo manguus mangit hamo; kiinfe bar dey kiinet hamo; ookoos dey ooko sinet hamo; kortoos dey korto sinet hamo» yi.

ዮሀኒስኒ ራእ 22:20

Han wuzaasikitoni zaal sina bar: «Aa; tai'nin yoonawa!» yife. Aamin; Daam Yesusno tai'nin yowa!

ዮሀኒስኒ ራእ 22:6

Esseen orfo Ha'oosi wosiya ekka yi: «Han kaamaasikito amanamto dey futowa; raajjuni meyanon wolumsifa Daama Ha'oosi Ayyana ta'a wonaassi sinni wuzason wostinynyani meyak ammanon besuk wosibaason wosi.»

ዮሀኒስኒ ራእ 3:13

«Ayyanaas betekiristaniisikitok makefana baron odoba feena bar odowowa.

ዮሀኒስኒ ራእ 3:22

Ayyana betekiristaniisikitok makefana baron odoba feena bar odowowa.»

ዮሀኒስኒ ራእ 3:6

Ayyanaas betekiristaniisikitok makefana baron odoba feena bar odowowa.

ዮሀኒስኒ ራእ 5:5

Es kabaasik kur'uni meyaassin isar: «Waasutaatawa; Yuudani zalaassin sina Dawitni koontoosi tuzasin kesa eetoos merewa; bar birannani birto matsafaasonnawa naafun maatamasikitononna gachanak chimarwa» yi.