ዮሀኒስኒ ራእ 14:7 - Gaddo Teyya

⁷ Tega kaamak: «Ha'ooson digoti! Baron ulfinsuti! Bar mangsu kar'ana sa'atiis kar'i. Samaasonnawa daasonna; baariisonna akaasi kor'anonna tesi Ha'oosik sagadoti» yi.

ጋዶ ቴያ

⁷ ቴጋ ካማክ፦ «ሀኦሶን ድጎት! ባሮን ኡልፍንሱት! ባር ማጝሱ ካርአና ሳአትስ ካርእ። ሳማሶንናዋ ዳሶንና፤ ደይ ባሪሶንናዋ አካሲ ኮርአኖንና ቴሲ ሀኦሲክ ሳጋዶት» ይ።

ዮሀኒስኒ ራእ 14:7 Iomraidhean Croise

Matewos 25:13

Ese wonaasewa sa'atiise aane arifeti sinna boor'a guzira oodti.»

Luqas 17:18

Han alaga asusteno oom Ha'ooson galattok wolle yeer aafenoso?»

ዎስኒ ሜያ 14:15

«Nitto han baron awagan ekka zagidifetirinso? Inno nittone fe asuwa. Nitto han foonto wuzaassin kessa samaason, daason, akasewa sir kuni testooson zuutira tesi hayewa Ha'ooski wolutik kaambaason nittok makefeniwa.

1 ጴጥሮስ 4:7

Ese zuuttambaase asi ko'aas tai'sewa; guzire shiipho chimatik nibama kanunti foongwa; teetnitiison ha'sir sinti.

ዮሀኒስኒ ራእ 11:13

Es sa'atiista akama daani shorko sini; katamaasi asir kushusin isa kushuus bokte; es daasi shorkok naafun kum asuni meya kitisete; kitun fu'te asuni meya akamanon digsete; dey samaki Ha'ooson ulfinsisete.

ዮሀኒስኒ ራእ 11:18

Aazabni meya gi'tesete; ne gi'aas dey ya; kiti baasso mangsuni kar'aason danone wona kar'i. Ne wostinynya sina raajjuni meyaknawa; kortoni meyakna dey sunneeson ulfinsisefe, garo garosiknawa arki arkisikna, waagbesiison imata wonaas kar'iwa; daason mangsisefe baassotin; tishkuta wona kar'i.»

ዮሀኒስኒ ራእ 15:4

Daamiiso! Neen digonor; sunneeson dey ulfinsunor oonso? Ne netu kortowa; futoni mangsuni kar'nees ammanon kessa bestena boor'a; daraas zuuttere yeere neeki sina sagadosonewa» yit gaamet feeseter.

ዮሀኒስኒ ራእ 16:9

Asuni meya es akama kiichuusik kiichchesete; es bettoosikitota ha'suni hugnaba faana Ha'oosi sunanon me'esete; aane harmusoto; baron dey aane ulfinsusoto.

ዮሀኒስኒ ራእ 18:10

Bari shanaason digak woksok yersefaat: «Ne arki katama; Ne chima katama Baablonne! Neyista kate mangsuni kar'aas isa sa'atiissi yaana boor'a haybunewe! Haybunewe» usone.

ዮሀኒስኒ ራእ 18:17

Es effatena otmaas isa sa'atiissi tishi!» usone. Merkebiison ajajefe baasso zuuttere; merkebik kutife asuni meya zuuttere; merkebiista wostesefe asuni meya zuuttere; baariista nagadesefe baasso zuuttere woksok yersone.

ዮሀኒስኒ ራእ 18:19

Teetbesiista tulo wootiset waasisetnawa suumesetna ekka yit chaagete: «Baariista merkebibesi faana baasso zuuttere bari otmaasik otum sina es arki katama isa sa'atiissi tishina boor'a haybunewe! haybunewe!»

ዮሀኒስኒ ራእ 19:5

Esseen orfo: «Baron digefe wostinynyani meya zuuttamnitiise: garo garoosnawa; arki arkiisna Ha'oniison galattosoti!» yifa kaama zigimoostan kesi.

ዮሀኒስኒ ራእ 4:11

«Daamniisnawa Ha'oniise; zuuttambaase asin tesita boor'a; zuuttambaase testenaasewa kaa dannaase; dey ne fiqadik sinna boor'a arkitto; ulfinnewa hugnane ephphatootak neek sholsirwa» yit feeseter.

ዮሀኒስኒ ራእ 4:9

Es kaabarere wuzaasikito zigimoosta di bariknawa koi'baneen koi'ba foontonon fooni barikna arkitto, ulfinnewa, galatne imesefe kabaasik:

ዮሀኒስኒ ራእ 8:10

Keezsani Ha'oosi wosiya markataason fugin tonnimato saamet fa akama baakuraas saman kere wor'i; kere wor'naas dey akaasi keez kushutan isaastanawa akaasi kor'atanawa.