Luqas 4:18 - Gaddo Teyya

¹⁸ «Daamiisa Ayyana tayistatu fa; tukamni meyak ma'a misirachchuni oduuson makonak taassi; taatere feese meya kottosonek; aaftishuni meya biyosoneknawa; rakkoossi feese meyanon; birmadumma kisunaktu taan muudi.

ጋዶ ቴያ

¹⁸ «ዳሚሳ አያና ታይስታቱ ፋ፤ ቱካምኒ ሜያክ ማአ ምስራቹኒ ኦዱሶን ማኮናክ ታሲ፤ ታቴሬ ፌሴ ሜያ ኮቶሶነክ፤ ኣፍትሹኒ ሜያ ብዮሶነክናዋ፤ ራክኮስ ፌሴ ሜያኖን፤ ብርማዱማ ክሱናክቱ ታን ሙድ።

Luqas 4:18 Iomraidhean Croise

Matewos 11:5

Aaftishuni meya biyosoner. Engitni meya kutusoner. Awataatoni mettanni meya farsoner. Odo oyoni meya odosoner. Kituni meya kitun kabsoner. Tukamni meyak misirachchuni kaamaas maktonir.

Matewos 12:18

Ese ta korina wostinynyataas han barwa; barin ta shunnar dey bariktu girefan; Ayyananaason basaasta zaguna; bar futoni mangsuni kar'aason daraasik awasuna.

Matewos 12:20

Mestera eesto sobboqoosonnu; aafa kiir'ana wuza; chuwet di kar'aason aafa tishkunawuza; es baron zagunaas; futoni mangsuni kar'aason meronanneengwa.

Matewos 4:16

Talmaassi fe daraas; akama chaarefa bi; kituni yirara faana daasta diise baassok; chaarefa kessa beste.»

Matewos 5:3

«Ha'oosi taato baassor sinna boor'a; amantobesiison Ha'oosta zagsefaat; teetbesiison daa ephefe baasso suustowa.

Luqas 4:17

Raajju Isayyas tichina matsafanon imtete. Woore ekka yistera tichche dima dani:

Luqas 6:20

Yesus nawobaasakitoniki yerqere biyet ekka yi: «Ha'oosi taatoni ha'su; nittor sinna boor'a; nitto tukamiis suustowa.

Luqas 7:22

Yesus Yohannisnikin wostere yeese baassok: «Hamfaat biiti baronnawa odeti baronna Yohannisnik makoti. Aaftishuni meya biyosone; engitfe baasso kaanne kutusone; awataatoni mettanni meya kayimone; Odoba oyoos odona; kituus kabuna; Tukamni meyak dey Misirachchuni kaamaas maktona.

Yohannis 1:41

Bar zeemme ayba Simooniki hamme: «Mesiisin danniwa» yi. Mesi uus muudto uu.

Yohannis 12:46

Taak amanefe bar zuuttere talmaassi foonoynamato ta chaarefa sinna han daasta yaangwa.

Yohannis 3:34

Ha'oos Ayyanabaason tuunira imfana boor'a Ha'o wosina bar Ha'oosi kaamanontu makefewa.

ዎስኒ ሜያ 10:38

Dey Ha'oos Naaziretki Yesusnin Korto Ayyanak muudnamatonawa hugna barik imnamatona arsedifetiwa. Ha'oos dey barneen ane faana boor'a ma'a wuzason zagitnawa Daabulos ephna baassotin zuutire fatit feer.

ዎስኒ ሜያ 26:18

Aafbesiison gachataknawa talmaassin chaarefaasta kisutakna dey Sexanaasi ha'suni sikalosin Ha'ooski wolgutakna neen zagunawa. Baasso dey boor'besiisi fakiyanon danone. Taak amanobesiisik dey korto sina baassoneen risti danone.›

ዎስኒ ሜያ 4:26

Daasta fe taate meya hooresere; daason ha'sife baasso dey isarik zuuttesere; Daamiisatanawa basa Muudtosatana kabsete.› yira make Ha'oos newe.

ዎስኒ ሜያ 4:27

«Futoosik Herodisnawa Pentenawi Pilatosna Aazabiisneen Israelni daraasneen han katamaassi Muudto zagita korto wostinynyane Yesusniista kabsete.

Qolasiyas 1:13

Bar talmaasi ha'suni hugnaassin fu'era shunto bari Naasa taatosi girunik zagi.

Yaqob 2:5

Shunto aytaasakitono! Odotiwa! Ha'oos baron amanok otum sinoneknawa baron shunefe baassok abdik imna bari taatoossi girsonekna han daastaki fe tukamiisin aane teegowanoso?

1 ጴጥሮስ 2:9

Sinuntano talmaassin diinqi chaarefbaaski nittotin teege Ha'oosi diinqi wostonon awasutik korte koonto; taatoni maag; Ha'oosi korto darawa.