2 ቆሮንጦስ 3:3 - Gaddo Teyya

³ Nitto dey inno wostoosik yeese Kiristoosni wosiya sinnitiis ammawa. Han wosiyaas tichchenaas hayewa Ha'oosi Ayyanaktano kalamiktawa. Esiisimato asuni danara nibaastatano danara shu'aasta tichchertawa.

ጋዶ ቴያ

³ ንቶ ደይ እንኖ ዎስቶሲክ ዬሴ ክርስቶስኒ ዎስያ ስኒትስ አማዋ። ሀን ዎስያስ ትቼናስ ሀየዋ ሀኦሲ አያናክታኖ ካላምክታዋ። ኤሲስማቶ አሱኒ ዳናራ ንባስታታኖ ዳናራ ሹኣስታ ትቼርታዋ።

2 ቆሮንጦስ 3:3 Iomraidhean Croise

Matewos 16:16

Simon Phexiros wolgire: «Ne hayewa Ha'oosi Naa Kiristooswa» yi.

1 ቆሮንጦስ 3:5

Shakafooti Aphilos aambenso? Phawulos aambenso? Baasso nitto amanotik zagi wostinynyawa; isa isarbesiis wostesefees Daamiisik baassok imna wostosongwa.

2 ቆሮንጦስ 3:6

Gaddo teyyaasi wostinynya sinanik hugna innok imaas barwa. Esiis dey mallatok tichche tumaasik sinnoynaron Korto Ayyanaasi argasukwa. Mallatok tichche tumaas kitu tesher. Sinuntano Korto Ayyanaas kaa imar.

2 ቆሮንጦስ 3:7

Tuma tumtenaas danara shu'aasta malatokwa. Tumaas imtena kabaasik fa chaarefaas tishit hamar sinfanaknu Israelni daraas Museni sinaason mai'sire biyak aane chimoto. Ese kituuson ephpha ya tumaas effatena ulfinak yaananneen,

2 ቆሮንጦስ 6:16

Ha'oosi betemeqdesiis koo'loosikitoneen ane awuni isarba faarinso? Ha'oos dey; «Foona dimaason darataasa ganesi zaguna; baassoneen ane foona; ta baassok Ha'obesi sinana; baasso dey taak darata sinone.» yira makenaasimato inno hayewa Ha'oosi betemeqdesiwa.

1 ቴሴሎንቄ 1:9

Nittoki yaafeni kabaasik innotin aakkak ephpha taasetimato hayewa dey futo sina Ha'oosik wostok koo'loni shiiphoossin oor kessa Ha'ooski aakkak wolsetimato es asuni meya teetbesiisik zaala sinonewa.

Ibrawiyan 10:16

«Es wonaasikitoneen orfo; baassoneen ane giruna teyyani kaamaas; haniiswa yifewa Daamiis; ta tumaason nibbesiissi foonak zaguna; baasso kanuussi dey tichuna» yi.

Ibrawiyan 8:10

«Ese han wonaasneen orfo; Israelni daraasneen ane; giruna teyyani kaamaas haniiswa; yifewa Daamiis; ta tumnaason baasso; kanuussi foonak zaguna; nibbesiissi dey tichuna. Ta dey baassok Ha'obesi sinana; baasso dey ta dara sinone.

Ibrawiyan 9:14

Koi'ba foonto Ayyanaaski kamo teetbaason zinaba foonto maa'a zagire Ha'oosik imna Kiristoosni hannaas hayewa Ha'oosik wostonik kanuniison kitu wostoossin awune faaron arkissira kayimsunggaso?

ዮሀኒስኒ ራእ 2:1

Efesonki betekiristanini Ha'oosi wosiyak ekka yira wosuwa: «Han naafun baakuraasikitonon hoi'ta kushubaassi epha barkinnawa warqeni meqireziisikitoni ganeyaassi kutife barkinna makte wosiya.

ዮሀኒስኒ ራእ 2:12

«Pergamonki betekiristanini Ha'oosi wosiyak ekka yira tichuwa: «Han bar kadba heppik koogto siifoson kushubaassi epha barkin makter;

ዮሀኒስኒ ራእ 2:18

«Tiyatronki betekiristanini Ha'oosi wosiyak ekka yira tichuwa: «Han wosiyaas geeni winone fa aafba faana barkinnawa kawo geesi girira kesa naasini bittane fa wochoba faana Ha'oosi Naanikinna makter.

ዮሀኒስኒ ራእ 2:8

«Semerneski betekiristanini Ha'oosi wosiyak ekka yira tichuwa: «Han bar tesuniisnawa koi'niisna; dey kitifaat kitun kabire hayew sina barkin makte wosiyawa.

ዮሀኒስኒ ራእ 3:1

«Serdeski betekiristanini Ha'oosi wosiyak ekka yira tichuwa: Han Ha'oosi naafun ayyanaasikitononnawa naafun baakuraasikitononna kushubaassi epha barkin makter. Wostoneeson arifan; sunak ne hayew; sinuntano kitit.

ዮሀኒስኒ ራእ 3:14

«Lodoqiyaki betekiristanini Ha'oosi wosiyak ekka yira tichuwa: Han aamin sina amanamto dey futo zaal sina barkin; Ha'oos tesina testoos zuuttambaase barki kamo bestena barkin makter.

ዮሀኒስኒ ራእ 3:22

Ayyana betekiristaniisikitok makefana baron odoba feena bar odowowa.»

ዮሀኒስኒ ራእ 3:7

«Filadelfiyaki betekiristanini Ha'oosi wosiyak ekka yira tichuwa: Han Korto sina barkinnawa futo sina barkinna; Dawitni keyaasi gachonon kushubaassi epha barkin makter; bar gachna baron oonu aafa kulfuna wuza; bar kulfina baron oonu aafa gachana wuza.