1 ቴሴሎንቄ 1:6 - Gaddo Teyya

⁶ Showo shana nittoosta kar'fanaknu Korto Ayyanaaskin beste giraski kamo kaambaason ephpha taara innotinnawa Daam Yesus Kiristoosni ugnaasikna zoonuster sinetiwa.

ጋዶ ቴያ

⁶ ሾዎ ሻና ንቶስታ ካርፋናክኑ ኮርቶ አያናስኪን ቤስቴ ግራሲኪ ካሞ ካምባሶን ኤጳ ታራ እኖትንናዋ ዳም የሱስ ክርስቶስኒ ኡግናሲክና ዞኑስቴር ስነትዋ።

1 ቴሴሎንቄ 1:6 Iomraidhean Croise

Matewos 16:24

Estan orfo Yesus nawobaasakitonik: «Taneen ane hamak sholefe bar teetbaason beyye mesqelibaason wor'e taneen ane yowowa.

Yohannis 8:12

Hepsa dey Yesus baassok: «Ta han daasta fe asusik chaarefawa. Taaki yeefe bar zuuttambaase kaa imfa chaarefaasontu dananatano talmaassi aafa foona wuza» yire make.

ዎስኒ ሜያ 13:52

Amane baasso dey giraknawa Korto Ayyanakna tuumesete.

ዎስኒ ሜያ 5:41

Sinuntano wosini meya Yesusni sunaasik kashistoos sholsu zagire faadisete boor'a shonggosi sina giret kesete.

ዎስኒ ሜያ 9:31

Es kabaasik Yuudak, Galiilaknawa Samariyakna fa betekiristaniis naga dani. Daamiisin ulfinsitnawa Korto Ayyanaasik chimetna faadbaas dey daytet hami.

Roome 15:13

Nitto abdiis Korto Ayyanaasi hugnak dichet hamanak abdini Ha'ooson amantontiisik giranewa nagane tuunira nittok imangwa.

1 ቆሮንጦስ 11:1

Ta Kiristoosni besosik zoonustenamato nitto dey ta besosik zoonustoti.

1 ቆሮንጦስ 11:2

Zuuttambaase asik taan yaadatefeti boor'anawa ta nittok assina assuuson mai'sira ephti boor'ana nittotin galattefawungwa.

1 ቆሮንጦስ 4:16

Es bari boor'a ta besosik zoonustotik shiiphefawungwa.

2 ቆሮንጦስ 6:10

Suumo innoosta kar'fanaknu wonna wonna giret faanir; tukam sinna faagedo showoni meyanon otum zaginir; isa wuzni foonto sinna faafenik zuuttambaase innokik faar.

2 ቆሮንጦስ 8:5

Baasso zagsetees inno oodni baristan denalowa. Zeemme teetbesiison Daamiisik imete; tusire dey Ha'oosi fiqadik teetbesiison innok imete.

Galatiya 5:22

Sinuntano Ayyanaasi gaana: keeshtana, gira, naga, fakiya, ma'a, ma'aron zagu, amanamto sina,

Efeson 5:1

Ese shunto naanggotnimato nitto dey Ha'oosi ugnak zoonustoti.

Filiphisiyus 3:17

Aytaasakitono! Ta besina zalfaasik zoonustotik ma'i utiwa; inno besini zalfaasik zoonustesefe baassotin dey mai'sira biitiwa.

2 ቴሴሎንቄ 1:4

Es bari boor'a awune faaronnu akama rakkonewa shanane nittoosta kar'fanaknu nitto aakkak faksetimatonawa amantonitisik dey aakkak chimesetimatona Ha'oni betekiristaniisikitoni ganeyaassi faani kabaasik nittoktu teetefeniwa.

2 ቴሴሎንቄ 3:7

Inno besini besosik zoonustotik sholsifanamato nitto teetnitiisik arsefetiwa. Inno nittoneen ane faani kabaasik wosto kota asu aane sineniwa.

2 ቴሴሎንቄ 3:9

Es baron zaginiis inno besini besosik zoonustoti uuktano nittokin innok argasu dananik mabtini tishifaantawa.

2 ጢሞትዮስ 4:2

Kaambaason mako; mai'fanak mangifanak aagenu sinun chimma wostowa; assit, ke'itnawa kiititna; fakiyaknawa assukna chimwa.

Ibrawiyan 10:34

Nitto ma'ar dey wonna wonna fooni otmanti samak faanamato ariti boor'a taatoni meyak kenashteti. Nittor sina foontiis oottefana kabaasik fakira es wuzason girak ephpha taati.

1 ጴጥሮስ 1:6

Hash showo tesa fatanak garo wonniron fattantefetiknu es fatanaasik girotiwa.

1 ጴጥሮስ 1:8

Yesusnin biinoyfaagedo shunfetiwa; hash biya beyfetiknu barik amanesetiwa; ekka yistera makok chimtonoy ulfinto gira girotiwa.

1 ጴጥሮስ 3:13

Ma'a wuzasikitonon wostok kabifaatine oonso nittotin miir'oniri?

3 ዮሀኒስ 1:11

Zomotaaso! Ma'a wuzaasne feer sintano mangu wuzaasne feer sinatatawa. Ma'a wostooson wostefe bar zuuttambaase Ha'ooskingwa. Sinuntano mangu wostooson wostefe bar zuuttambaase Ha'ooson aane arifewa.