1 ጴጥሮስ 2:21 - Gaddo Teyya

²¹ Nitto teegtetiis es barikwa; basa ugnaasik zoonustotik Kiristoos nittokwa iyaat shanaason ephpheteere nittok beso siniwa.

ጋዶ ቴያ

²¹ ንቶ ቴግቴትስ ኤስ ባሪክዋ፤ ባሳ ኡግናሲክ ዞኑስቶትክቱ ክርስቶስ ንቶክዋ እያት ሻናሶን ኤጴቴሬ ንቶክ ቤሶ ስኒዋ።

1 ጴጥሮስ 2:21 Iomraidhean Croise

Matewos 10:38

Basa teetni mesqeliison wor'e taneen ane yoonoy bar taar sinanak aane sholsifawa.

Matewos 11:29

Waanjonaason wor'ti; taakin dey arutiwa. Ta garam dey kenashterwa. Kaantiisik dey beysa danati.

Matewos 16:24

Estan orfo Yesus nawobaasakitonik: «Taneen ane hamak sholefe bar teetbaason beyye mesqelibaason wor'e taneen ane yowowa.

Luqas 24:26

Kiristoos han shanaason ephphetoonaknawa den ulfinbaaski girunak aane sholsifano?» yi.

Yohannis 13:15

Ta nittok zaginaysimato nitto dey zagsotiktu beso nittok imingwa.

Yohannis 16:33

Han baron nittok makenaas taneen ane faafaani naga nittok foonakwa. Han daasta faafeti kabaasik shana nittok faar. Sinuntano harewa! Ta han daason merengwa.»

ዎስኒ ሜያ 14:22

Nawoni meyanon zagguk, Ha'oosik chimme foosonek merkeset: «Ha'oosi taatosi girunik showo shana ephphatoonik sholsifa» yit assisete.

ዎስኒ ሜያ 17:3

Kiristoos shanaason ephphetoonaknawa kitun kabunak sholsu sinnamato kotte maket: «Han ta nittok makefana Yesus bar kiristooswa» yit feer.

ዎስኒ ሜያ 9:16

Ta sunaasik awune fa shana ephphetoonak feenamato ta barik ammanon besunawa»

Roome 8:29

Es bar dey sinnaas zeemma arina baasso Naasa gitononnawa Naas dey showo ayni meeni ganeyaassin uuzza sinanak Ha'oos zeemma buggina boor'awa.

1 ቆሮንጦስ 11:1

Ta Kiristoosni besosik zoonustenamato nitto dey ta besosik zoonustoti.

Efeson 5:2

Kiristoos innotin shunaasimatonawa Ha'ooson girsuni sawuba faana mabanewa maa'ane zagire kaabaason innok aatire imnamatona nitto dey keeshtanak footi.

Filiphisiyus 2:5

Es barik Kiristoos Yesusniissi fa safaraas nittoossi dey foonak sholsuwa.

1 ቴሴሎንቄ 3:3

Esiis dey nittoosta kar'a shanaasik shorkonoytimato nittotin zaguna. Es shanaas innok hoorera imter sinbaason nitto teetnitisk arsetir.

1 ቴሴሎንቄ 4:2

Daam Yesusni sunaasik aro ajaji nittok imnimato arsedifetiwa.

2 ጢሞትዮስ 3:12

Futok Kiristoos Yesusnir sinne Ha'ooson girsire fook sholsefe baasso zuuttere kabugteseterwa.

Ibrawiyan 2:10

Wuza zuuttambaase bariknawa basarna sinna testenaas Ha'oos showo naanggota hang ulfinaaski ephpha yoonak baasso faruusi zoonsi sina Yesus shanaassik mai'sire zag sinne yeronak sholsi.

1 ጴጥሮስ 1:20

Bar kortenaas han daas testonoyfeen zeemma sinfanaknu hash koi'ni neyaastak nittokwa iyaat ammanon kesse beste.

1 ጴጥሮስ 2:24

Boor'aassik kitira ookok foonik bar teetbaasik ashbaasik inno boor'aason mesqeliista wor'i. Basa mazaasik nitto farisetiwa.

1 ጴጥሮስ 3:18

Kiristoos innotin Ha'ooski tai'suk bar ooko sinne feegedo ookoni foonto inno boor'aasik hepsa wolunoynaron isarga shanaason ephpheteere kitiwa. Bar ashak kiti; sinuntano Korto ayyanak hayew sini.

1 ጴጥሮስ 3:9

Eebbisutitano mangu wuzason mangu wuzak; me'ason dey me'ak wolgutiita; nitto teegtesetiis es baron zaguk eebba warasokwa.

1 ጴጥሮስ 4:1

Kiristoos ashbaasik shanaason ephphete sinna boor'a nitto dey es safaraasik chima hooroti. Ashbaasik shanaason ephphete asus boor'aasi wostonon yeetiwa.

1 ጴጥሮስ 4:13

Kiristoos ulfinabaasik wolle yeefena kaba akamanon girotik basa shanaason haa'er sineti boor'a girotiwa.

1 ዮሀኒስ 2:6

Ha'oosik faan yife asu Kiristoos feere aatnaasimato foonak sholsuwa.

1 ዮሀኒስ 3:16

Keeshtanaas awu sinnamato ariniis Yesus Kiristoos kaabaason innok aatire imna boor'awa. Inno dey kaaniison ayni meyakwa iyaat aatira imaniktu sholsifawa.

ዮሀኒስኒ ራእ 12:11

Baasso fantuusa hannaknawa maksete zaalni kaamaasikna neebere mersete; kaabesiison keeshtonoy teetbesiison kituk aatire imete.