1 ዮሀኒስ 3:16 - Gaddo Teyya

¹⁶ Keeshtanaas awu sinnamato ariniis Yesus Kiristoos kaabaason innok aatire imna boor'awa. Inno dey kaaniison ayni meyakwa iyaat aatira imaniktu sholsifawa.

ጋዶ ቴያ

¹⁶ ኬሽታናስ አዉ ስንናማቶ አሪኒስ የሱስ ክርስቶስ ካባሶን እንኖክ ኣትሬ እምና ቦርአዋ። እንኖ ደይ ካኒሶን አይኒ ሜያክዋ እያት ኣትራ እማኒክቱ ሾልሲፋዋ።

1 ዮሀኒስ 3:16 Iomraidhean Croise

Matewos 20:28

Asuni Naa dey oomiisik wostonaknawa showoni meyanon fatuk kaabaason aatire imaktu yeeteno baasso barik wostosonek aane yowewa» yi.

Yohannis 10:11

Ta ma'a keemerwa; ma'a keemeriis kaabaason fantuusikwa iyaat aatire imar.

Yohannis 10:15

Ta barikitonon arifanaas Abaas taan arifenasimatonawa ta dey abataasin arifanasimatowa. Kaanaason dey fantunaasikwa iyaat aatira imanar.

Yohannis 13:34

Nittotna nittotna shunosotik gaddo ajaji nittok imana. Ta nittotin shunnaasimato nittotna nittotna dey shunosoti.

Yohannis 3:16

Barik amanefe bar zuuttambaase koi'ba foonto kaa dananaktano tishunoynamato Ha'oos isa nawuba bar barin aatira imma han daason baak keeshtewa.

ዎስኒ ሜያ 20:28

Nittotin betekiristanini kur'u zagira Korto Ayyanaas kori. Ese nitto teetasiknawa keemfeti wodoosikna teetnitiison arutiwa. Ha'oos bari naasa hannak waagena betekiristaniison mai'sira oodtiwa.

Roome 16:4

Baasso dey zeemo sinak ta edde kituknu sinfanak hoorere feeseterwa. Es barik dey baassotin galattefawungwa. Ta ta ta sinnoynaron Aazab sinefaat kiristana sina amanynyini meeni betekiristaniisikitoneen baassotin galattesedifewa.

Roome 5:8

Sinuntano inno boor'bare yere asu sinna faani Kiristoos inno eddeessi kitiwa. Es bar dey Ha'oos innotin keeshtena keeshtambaas awune fa akama sinnamatotu besifa.

2 ቆሮንጦስ 4:12

Es bari boor'a kituus innoosta wostedifar; sinuntano kaas nittoossi wostedifar.

Efeson 5:2

Kiristoos innotin shunaasimatonawa Ha'ooson girsuni sawuba faana mabanewa maa'ane zagire kaabaason innok aatire imnamatona nitto dey keeshtanak footi.

Efeson 5:25

Teegoni meyane! Kiristoos betekiritaniison shunnamatonawa teetbaason barikwa iyaat aatire imnamatona nitto dey keerinyatiisikitonon shunti.

Filiphisiyus 2:17

Ha'oosik wostontiisewa amanontiise asi maa'aasta ta kaas dey dayistera maa'a sinna imtefaananenu girefawungwa. Nitto dey ta giraason haa'er sinati.

Filiphisiyus 2:30

Nitto tai'sera bestera taak zagu beyeti argasuuson bar taak tuunukwa iyaat Kiristoosni wostoosi boor'a kaabaasonnu keeshtonoy kituta katire feerwa.

1 ቴሴሎንቄ 2:8

Esiisimato akamanon nittotin shunfeni boor'a Ha'oosi misirachchuni kaamanon nittok mako koi'ba sinnoynaron kaanisonnu nittok imanik hooreratu faaniwa; nitto inno sinak shunto sinna faatir sinna boor'awa.

Tito 2:13

Esiisimato eebbisto abdiniison dey arkitto Ha'oniisi; innotin fati Yesus Kiristoosni ulfinak yooson oodtifenirwa.

1 ጴጥሮስ 1:18

Nitto abantiisatan waraseti ke'noy foossin furtetiis tishuni birrik wedey warqek sina beybaason arsefetiwa.

1 ጴጥሮስ 2:24

Boor'aassik kitira ookok foonik bar teetbaasik ashbaasik inno boor'aason mesqeliista wor'i. Basa mazaasik nitto farisetiwa.

1 ጴጥሮስ 3:18

Kiristoos innotin Ha'ooski tai'suk bar ooko sinne feegedo ookoni foonto inno boor'aasik hepsa wolunoynaron isarga shanaason ephpheteere kitiwa. Bar ashak kiti; sinuntano Korto ayyanak hayew sini.

1 ዮሀኒስ 2:6

Ha'oosik faan yife asu Kiristoos feere aatnaasimato foonak sholsuwa.

1 ዮሀኒስ 2:9

Chaarefaassitu faangwa yifet aybaasin oomtefe bar hashnu talmaassitu fewa.

ዮሀኒስኒ ራእ 5:9

Ora gaamak ekka yit gaamesete: «Harinneesik asteseriisikitosin; wolumtefa noonosikitosin; keena keenaassin, dara daraasasin; asuni meyanon Ha'oosik furotak ne shukteta boor'a; Birannani birto matsafaason ephataknawa; Maatamaasikitonon gachatakna sholsinar sintiwa.